TRENDING:
मैत्रीचं नाटक अन् लग्नाचं आमिष
पोलिसांनी दिलेल्या माहितीनुसार, प्रथमेश ज्ञानेश्वर राऊत (वय २३, रा. धनकवडी) असे अटक करण्यात आलेल्या आरोपीचे नाव आहे. नोव्हेंबर २०२५ ते जानेवारी २०२६ या दरम्यान त्याने पीडित मुलीशी मैत्री वाढवली होती. "आपण नंतर लग्न करू, या सर्व गोष्टी आजकाल कॉमन आहेत," असे म्हणत त्याने तिला वारंवार आपल्या जाळ्यात ओढले आणि तिच्यासोबत शारीरिक संबंध ठेवले.
advertisement
गर्भवती राहिल्यावर फुटलं भांडं
काही दिवसांपूर्वी पीडित मुलीला सतत उलट्या आणि शारीरिक व्याधींचा त्रास होऊ लागल्याने तिची वैद्यकीय तपासणी करण्यात आली. त्यावेळी ती १० आठवड्यांची गर्भवती असल्याचे समोर आले, ज्यामुळे तिच्या कुटुंबीयांना मोठा धक्का बसला. पीडितेने घडलेला सर्व प्रकार सांगितल्यानंतर सहकारनगर पोलीस ठाण्यात धाव घेऊन तक्रार दाखल करण्यात आली.
सहकारनगर पोलिसांनी आरोपी प्रथमेश राऊत याला तत्काळ अटक केली असून, त्याच्यावर बालकांचे लैंगिक अपराधांपासून संरक्षण अधिनियम (POCSO) आणि भारतीय न्याय संहितेच्या विविध कलमान्वये गुन्हा दाखल करण्यात आला आहे. पोलीस उपनिरीक्षक काळे या प्रकरणाचा पुढील तपास करत आहेत. पालकांनी आपल्या पाल्यांच्या सोशल मीडिया वापराबाबत आणि वाढत्या ओळखींबाबत सावध राहणे किती गरजेचे आहे, हे या घटनेतून पुन्हा एकदा अधोरेखित झाले आहे.