TRENDING:
नेमकी घटना काय?
पोलिसांनी दिलेल्या माहितीनुसार, पार्थ नांदेड सिटीतील 'आसावरी' इमारतीत आपल्या मामांकडे वास्तव्यास होता. मंगळवारी (१० मार्च) सकाळी या सदनिकेत पार्थने पिस्तुलातून स्वतःच्या कानाच्या मागील बाजूस गोळी झाडली. गोळीबाराचा आवाज ऐकून आजूबाजूच्या लोकांची धावपळ उडाली. माहिती मिळताच पोलिसांनी तातडीने घटनास्थळी धाव घेतली आणि जखमी पार्थला तत्काळ रुग्णालयात हलवले. मात्र, उपचारांपूर्वीच डॉक्टरांनी त्याला मृत घोषित केले. घटना इतकी भीषण होती, की उपचाराआधीच त्याचा मृत्यू झाला.
advertisement
घटनास्थळावरून पोलिसांनी देशी बनावटीचे पिस्तूल जप्त केले आहे. मात्र, पार्थकडे हे पिस्तूल आले कुठून आणि त्याने इतके टोकाचे पाऊल का उचलले, याचे गुपित अद्याप गुलदस्त्यातच आहे. पार्थच्या कुटुंबीयांकडे आणि नातेवाईकांकडे पोलिसांकडून सखोल चौकशी केली जात आहे. नैराश्य की अन्य काही कारण? याचा तपास आता नांदेड सिटी पोलीस करत आहेत. या घटनेमुळे नांदेड सिटीतील सुरक्षा व्यवस्था आणि तरुणांमधील वाढत्या मानसिक तणावाचा प्रश्न पुन्हा एकदा चर्चेत आला आहे.