TRENDING:
मिळालेल्या माहितीनुसार, रोहित सुनील चव्हाण (वय २४) हा तरुण मंगळवारी रात्री साडेआठच्या सुमारास आपल्या मित्रांसोबत परिसरात उभा होता. त्यावेळी त्याचा मित्र पृथ्वी गायकवाड हा मद्यधुंद अवस्थेत आरडाओरडा करून शांतता भंग करत होता. रोहितने त्याला समजावण्याचा प्रयत्न केला आणि "शांत बस" असे सांगितले. ही साधी सूचना पृथ्वीच्या जिव्हारी लागली. रागाच्या भरात त्याने रोहितची गचांडी धरून त्याच्या डोक्यात लोखंडी पंचने वार केले आणि शिवीगाळ करत त्याला ओढत मैदानाबाहेर नेले. त्याच वेळी पृथ्वीचा भाऊ यश गायकवाड तिथे आला आणि त्याने जमिनीवरील दगड उचलून रोहितच्या डोक्यात मारून त्याला गंभीर जखमी केले.
advertisement
हस्तांदोलनाच्या बहाण्याने हात हातात घेतला अन्...; लोणावळ्यात शिवसैनिकासोबत घडला धक्कादायक प्रकार
भरवस्तीत घडलेल्या या हिंसक प्रकारामुळे परिसरात काही काळ तणाव निर्माण झाला होता. जखमी रोहितने दिलेल्या तक्रारीवरून निगडी पोलिसांनी पृथ्वी गायकवाड आणि यश गायकवाड (दोघेही रा. ओटास्कीम, निगडी) यांच्याविरोधात मारहाणीचा गुन्हा नोंदवला आहे. दारूच्या नशेत मित्रच मित्राच्या जीवावर उठल्याने परिसरात चर्चेला उधाण आले असून, पोलीस या प्रकरणाचा अधिक तपास करत आहेत.