TRENDING:
कोथरूडमध्ये गुंडगिरी फोफवली असती का?
"गुंडांसोबतच्या व्हायरल व्हिडीओमुळे अमोल बालवडकर यांचं तिकीट कापलं", असं चंद्रकांत पाटील काल एका सभेदरम्यान म्हणाले होते. एवढे संवेदनशील चंद्रकांत पाटील असतील तर कोथरूडमध्ये गुंडगिरी फोफवली असती का? असा अवाल धंगेकर यांनी उपस्थित केला आहे.
नियमाप्रमाणे कोल्हापूरला जायला हवं
आता सोबत दिलेल्या फोटोमध्ये चंद्रकात पाटील आणि कुख्यात गुंड निलेश घायवळ दिसत आहे. गुंडगिरीविषयी नैतिकतेचे धडे देणाऱ्या पाटलांनी बालवडकर यांना लावलेल्या नियमाप्रमाणे कोल्हापूरला जायला हवं, अशी टीका रविंद्र धंगेकर यांनी केली आहे. दिव्याखाली_अंधार म्हणत धंगेकरांनी चंद्रकांत पाटील यांना टोला लगावला आहे. त्यामुळे आता पुण्याच्या राजकारणात मोठी खळबळ उडाल्याचं पहायला मिळतंय.
advertisement
नेमकं काय म्हणाले चंद्रकांत पाटील?
देवेंद्र फडणवीसांना अनेक गोष्टी माहिती असतात त्यामुळं अनेक बाबी समोर येतात. अमोल बालवडकर याने कितीही आरडा ओरड केला तरी काही नाही. निलेश घायवाल कुठे गेला याचा शोध घेत आहेत. मुख्यमंत्र्यांना माझी विनंती आहे निलेश घायवाल याल शोधायला अमोल बालवाडकरची मदत घ्या. अमोल बालवडकर यांचा निलेश घायवळसोबत व्हिडिओ व्हायरल झाला आहे. यावर बोलताना चंद्रकांत पाटील यांनी बालवडकर यांच्यावर टीका केली.
कुख्यात गुंड निलेश घायवळ
दरम्यान, भाजपचे प्रभाग क्रमांक नऊचे अधिकृत लहू बालवडकर यांनी शेअर केलेल्या व्हिडिओमध्ये कुख्यात गुंड निलेश घायवळ, अमोल बालवडकर दारू पार्टी करत असल्याचं दिसून येत आहेत. हा व्हिडिओ ऐन निवडणुकीच्या तोंडावर बाहेर आल्यामुळे राजकीय वातावरण तापलं आहे.