पुण्यातील स्पा सेंटरधून तीन तरुणींची सुटका, मसाजच्या नावाखाली सुरू होता नको तो प्रकार

पुण्याच्या खराडी बायपास चौकातील सन शाईन स्पामध्ये बेकायदेशीर वेश्याव्यवसाय सुरू असल्याची माहिती मिळाल्यानंतर पोलिसांनी ही कारवाई केली. चंदननगर पोलिसांच्या पथकाने आधी सापळा रचला, वेश्या व्यवसाय सुरू असल्याची खात्री पटवली आणि त्यानंतर मसाज सेंटरवर छापा टाकला, जिथे पोलिसांना मसाजच्या नावाखाली तीन महिलांचे शोषण होत असल्याचे आढळले.

या छापेमारीची अधिक माहिती देताना डीसीपी झोन ​​IV चे सोमय मुंडे यांनी सांगितलं की, "आम्ही तीन महिलांची सुटका केली आणि त्यांची रवानगी महिलासुधारगृहात करण्यात आली आहे. यावेळी पोलिसांनी स्पा ऑपरेटर आणि मॅनेजरसह उर्वरित कर्मचाऱ्यांवर अनैतिक वाहतूक (प्रतिबंध) कायद्याच्या कलम 3,4,5 आणि बीएनएसच्या कलम 143, 3(5) अंतर्गत गुन्हा दाखल केला आहे."

advertisement

मसाज पार्लरच्या नावाखाली सेक्स रॅकेट वाढत असल्याने, या स्पा सेंटरचे सेक्स रॅकेट चालवणाऱ्या मोठ्या नेटवर्कशी संबंध आहे का? हे शोधण्यासाठी तपास सुरू असल्याचे पोलिसांनी सांगितले. या घटनेचा पुढील तपास केला जात आहे.