TRENDING:
वर्षभरात काय काय घडलं?
वर्षाभरापूर्वी याच दिवशी स्वारगेट आगारातील उभ्या असलेल्या शिवशाही बसमध्ये शिरून एका तरुणीवर दोन वेळा बलात्कार केला होता. ही संतापजनक घटना पहाटे 5:45 ते 6:45 च्या दरम्यान घडली होती. गुन्हा केल्यानंतर आरोपी गाडे हा पसार झाला होता आणि आपल्या गावातील शेतात लपून बसला होता. पुणे पोलिसांनी तांत्रिक तपासाच्या आधारे त्याचा माग काढला आणि त्याला शिरूर परिसरातून जेरबंद केलं होतं. त्यानंतर त्याच्यावर खटला चालू आहे.
advertisement
गाडेविरोधात 892 पानांचे आरोपपत्र
गुन्हा घडल्यानंतर फक्त 52 दिवसांच्या आत पोलिसांनी गाडेविरोधात 892 पानांचे आरोपपत्र न्यायालयात दाखल केलं होतं. त्यात 82 साक्षीदारांकडे तपास करून पाच साक्षीदारांचे जबाब न्यायालयात नोंदविले आहेत. त्यामुळे पोलिसांच्या तपासात दम असल्याचं पहायला मिळतंय. अशातच आता दत्ता गाडेला सुट्टी नाहीच, असंच चित्र पहायला मिळत आहे. गुगल सर्च हिस्टरी, तुलनात्मक ध्वनी तीव्रता पडताळणी, ओळख परेड, सीसीटीव्ही याचा पंचनामा पोलिसांकडून करण्यात आला होता.
दत्ता गाडेची लैंगिक क्षमता चाचणी
दरम्यान, गुन्हा घडल्यानंतर जवळपास 48 तासांनंतर पोलिसांनी त्याला गुणाट गावातूनच अटक केली. तब्बल दीड ते दोन दिवस दत्ता ऊसाच्या शेतात लपून बसला होता. त्याच्या शोधासाठी त्तबल 100 पोलीस गुणाट गावात दाखल झाले होते. गुरुवारी मध्यरात्री त्याला बेड्या ठोकण्यात आल्या. आरोपीला ताब्यात घेतल्यानंतर पोलिसांनी त्याची लैंगिक क्षमता चाचणी ससून रुग्णालयात केली. दत्ताच्या चाचणीचा अहवाल सकारात्मक (पॉझिटिव्ह) आला होता. घटनास्थळावर दत्ता गाडेचे केस व शर्टाचे बटण सापडले होते. तर एक तळहाताऐवढी चिठ्ठी देखील सापडली होती, ही चिठ्ठी म्हणजे तरुणीने काढलेलं बसचं तिकीट... तसेच स्वारगेट एसटी स्थानकातील सीसीटीव्ही चित्रीकरणात आरोपी गाडे घटनास्थळी हजर असल्याचे प्रयोगशाळेच्या अहवालात नमूद आहे.