TRENDING:
ताम्हिणी घाटाला पर्यायी रस्ता किंवा बोगद्याचा प्रस्ताव पुढे आला आहे. यासाठी राष्ट्रीय महामार्ग प्राधिकरणाकडून आराखडा तयार करण्याचे काम सुरू असून, हा मार्ग तयार झाल्यास दिघी बंदर आणि माणगाव औद्योगिक क्षेत्राचा पुण्याशी संपर्क अधिक जलद आणि सोयीचा होणार आहे.
Pune Traffic: तुम्हालाही आला मेसेज? 19 लाख पुणेकर वाहनचालकांवर टांगती तलवार, लायसन्स निलंबित होणार?
advertisement
दिघी पोर्टसाठी मार्ग होणार उपलब्ध
रायगड जिल्ह्यातील दिघी पोर्टकडे जाण्यासाठी पुणे – चांदणी चौक – पौड – ताम्हिणी – माणगाव – दिघी असा मार्ग वापरला जातो. पुणे ते दिघी पोर्ट या मार्गाला केंद्र सरकारने राष्ट्रीय महामार्गाचा दर्जा दिला आहे. मात्र ताम्हिणी घाटात मोठी चढ-उतार आणि अनेक वळणे असल्यामुळे प्रवासाला अधिक वेळ लागतो. विशेषतः जड वाहनांसाठी हा मार्ग काहीसा कठीण ठरतो.
दिघी पोर्टकडे जाणाऱ्या वाहनांसाठी रुंद आणि सुरक्षित रस्ता आवश्यक असल्याने ताम्हिणी घाटाला पर्यायी मार्गाचा पर्याय पुढे आला आहे. या पर्यायी मार्गामुळे पुण्याहून कोकणात जाणे अधिक जलद आणि सोयीचे होणार आहे. तसेच पुणे आणि पश्चिम महाराष्ट्रालाही याचा फायदा मोठ्या प्रमाणात होणार आहे.
प्रवास सुलभ करण्यासाठी दोन मार्गांचा विचार
ताम्हिणी घाटातील अडचणी लक्षात घेता दोन पर्याय समोर आले आहेत. पहिला पर्याय म्हणजे ताम्हिणी घाट टाळून पानशेतमार्गे माणगाव–दिघी पोर्ट असा नवीन रस्ता तयार करणे. तर दुसरा पर्याय म्हणजे सध्याचा घाटरस्ता रुंद करणे, धोकादायक वळणे कमी करणे आणि डोंगरवाडी ते ताम्हिणी दरम्यान बोगदा उभारणे.
दरम्यान, घाटातील अंतर कमी करून प्रवास अधिक सोपा आणि जलद करण्यावर भर दिला जात आहे. यासाठी आवश्यक प्राथमिक माहिती गोळा करण्यासोबतच नवीन मार्गाची रूपरेषा तयार करण्याची प्रक्रिया सुरू करण्यात आली आहे.