Pune ZP Result: भोर तालुक्यात कुणाचं पारडं जड? कोण मारणार बाजी? गावकऱ्यांची मत कुणाला?

पहिल्या फेऱ्यांपासूनच आघाडी–पिछाडीचे चित्र बदलताना दिसत आहे. भारतीय जनता पक्षाच्या विरोधात राष्ट्रवादी काँग्रेस पक्षाचे आव्हान आहे. अपक्ष उमेदवारही आपले नशीब आजमावत आहेत.

उत्रौली–कारी गट

या गटाकडे संपूर्ण जिल्ह्याचे लक्ष लागले असून, राष्ट्रवादी काँग्रेसचे रणजीत शिवतारे आणि भाजपच्या माजी आमदार संग्राम थोपटे यांच्या पत्नी स्वरूपा थोपटे यांच्यातील थेट सामना या निवडणुकीतील सर्वात हायव्होल्टेज लढत मानली जात आहे. याशिवाय सतीश चव्हाण, सचिन नवघणे आणि संतोष घोरपडे हे उमेदवारही रिंगणात आहेत.

advertisement

वेळू–नसरापूर गट

या गटात पोपट सुके, गणेश खुटवड, अमोल पांगारे, अनिकेत शिंदे आणि जीवन कोंडे हे पाच उमेदवार आपले नशीब आजमावत आहेत.

भोंगवली–कामथडी गट

महेश तापरे, वैभव धाडवे, विक्रम खुटवड, महादेव सोनवणे आणि चंद्रकांत बाठे यांच्यात येथे चुरशीची लढत झाली आहे.

भोलावडे–शिंद गट

विठ्ठल आभाळे, प्रवीण जगदाळे, अभिजीत धुमाळ, सागर धुमाळ आणि प्रमोद भालेराव हे उमेदवार या गटात रिंगणात आहेत.

भोर तालुका  

• लोकसंख्या: 1,67,663
• पुरुष: 84,902
• महिला: 82,761
• नद्या: नीरा, वेळवंडी
• महसुली गावे: 195
• ग्रामपंचायती: 156
• नगरपरिषद: भोर

भोर तालुक्यात यावेळी 75.62 टक्के मतदान झाले असून ग्रामीण भागात मतदारांचा सहभाग लक्षणीय राहिला. प्रतिष्ठेच्या लढती, स्थानिक नेतृत्व आणि पारंपरिक वर्चस्वाला मिळालेले आव्हान यामुळे मतदानाचा टक्का वाढल्याचे चित्र आहे. या सर्व घटकांचा अंतिम निकालावर निर्णायक प्रभाव राहण्याची शक्यता राजकीय निरीक्षक व्यक्त करत आहेत.