पुण्यात हक्काचं घर घ्याययचंय? अचानक शहरातील 'या' भागात वाढणार घर खरेदी, तज्ज्ञांनी सांगितलं कारण

या भागांत वाढणार घरांची मागणी

रेडीरेकनरचे दर न वाढल्यामुळे स्टॅम्प ड्युटी आणि इतर करांचा बोजा वाढणार नाही. याचा थेट फायदा रावेत, किवळे, पुनावळे, मोशी आणि चऱ्होली यांसारख्या वेगाने विकसित होणाऱ्या भागांना होणार आहे. या परिसरात मोठ्या प्रमाणावर गृहप्रकल्प सुरू असून, आता मध्यमवर्गीयांचा कल या भागात घर घेण्याकडे वाढणार असल्याचे रिअल इस्टेट तज्ज्ञांचे मत आहे.

advertisement

महापालिकेच्या उत्पन्नात ८६ कोटींची घट

एकीकडे घर खरेदीदारांमध्ये आनंदाचे वातावरण असताना, महापालिकेच्या तिजोरीत मात्र गेल्या वर्षाच्या तुलनेत ८६ कोटी ५३ लाख रुपयांची घट झाली आहे. सहशहर अभियंता सुनील भागवानी यांनी दिलेल्या माहितीनुसार २०२५-२६ चे उत्पन्न हे ७९४ कोटी ७७ लाख रुपये मिळालं. तर, गतवर्षीचे उत्पन्न हे ८८१ कोटी ३० लाख रुपये इतकं होतं.

महसूल घटण्याची मुख्य कारणे

महापालिका अधिकाऱ्यांच्या मते, मोठ्या प्रकल्पांसाठी केंद्राच्या पर्यावरण विभागाचे 'ईएस प्रमाणपत्र' अनिवार्य केल्यामुळे अनेक प्रस्तावांना विलंब झाला. तसेच, जमीन मोजणी प्रक्रियेवर काही काळ असलेल्या स्थगितीमुळे नवीन बांधकामांच्या परवानग्यांचा वेग मंदावला, ज्याचा थेट परिणाम महापालिकेच्या महसुलावर झाला आहे.