TRENDING:
नेमकी घटना काय?
मिळालेल्या माहितीनुसार, सायंकाळी साडेपाच वाजण्याच्या सुमारास अंजली साळवे ही आपल्या दुचाकीवरून सुस-नांदे रोडने जात होती. ती शिवबा चौकाजवळ आली असता, पाठीमागून भरधाव वेगाने येणाऱ्या एका सिमेंट मिक्सरने तिला जोरदार धडक दिली. धडक लागताच अंजलीचा दुचाकीवरील ताबा सुटला आणि ती खाली पडली. दुर्दैवाने, ती थेट ट्रकच्या मागील चाकाखाली आल्याने तिचा जागीच मृत्यू झाला. हा अपघात इतका भीषण होता की अपघात बघणाऱ्यांचा काळजाचा थरकाप उडाला.
advertisement
ट्रक चालकासह मालकावरही गुन्हा दाखल
या प्रकरणी बावधन पोलिसांनी घटनेचे गांभीर्य ओळखून तत्परतेने कारवाई केली आहे. पोलिसांनी ट्रक चालक राजपाल कसबे याला तातडीने अटक केली आहे. विशेष म्हणजे, केवळ चालकावर कारवाई करून न थांबता, सुरक्षिततेच्या नियमांचे उल्लंघन केल्याप्रकरणी पोलिसांनी 'सूर्या कन्स्ट्रक्शन'चे मालक गणेश कलशेट्टी यांच्यावरही गुन्हा दाखल केला आहे.
अपघाताचा सीसीटीव्ही व्हिडीओ
या घटनेचा सीसीटीव्ही व्हिडीओ समोर आला असून सोशल मीडियात व्हायरल झाला आहे. व्हायरल व्हिडीओत तरुणी दुचाकीवरून जाताना दिसत आहे. निमुळता रस्ता असल्याने सुरुवातीला तिला सिमेंट मिक्सरचा धक्का बसला. यानंतर तरुणीचं नियंत्रण सुटलं आणि ती थेट सिमेंट मिक्सरखाली आली. या गाडीचा वेग अधिक असल्याने मिक्सरने तरुणीला काही अंतर चिरडत नेलं. या दुर्दैवी अपघातात तरुणीचा जागीच मृत्यू झाला. काळजाचा थरकाप उडवणारा हा व्हिडीओ सध्या सोशल मीडियावर व्हायरल होत आहे.