TRENDING:
बेनके यांचा अंत्यविधी सोमवार दिनांक 12 फेब्रुवारीला दुपारी चार वाजता त्यांच्या गावी हिवरे बुद्रुक (ता.जुन्नर जिल्हा, पुणे) या ठिकाणी होईल अशी माहिती जुन्नर तालुका राष्ट्रवादी काँग्रेसचे तालुकाध्यक्ष पांडुरंग पवार यांनी आहे दिली. त्यापूर्वी सोमवारी सकाळी 9 ते 12 या वेळात नारायणगाव येथील निवासस्थानी त्यांचे पार्थिव अंतिम दर्शनासाठी ठेवण्यात येणार आहे.
advertisement
माजी आमदार वल्लभ शेठ बेनके यांचा जन्म 23 जून 1950 रोजी हिवरे बुद्रुक या गावी झाला. शेती हा मूळ व्यवसाय होता. हे 1985 साली प्रथम जुन्नर विधानसभेवर निवडून आले होते. त्यानंतर 1990 साली दुसऱ्यांदा ते आमदार झाले. त्यानंतर लागोपाठ दोन पंचवार्षिक निवडणुकांमध्ये माजी आमदार बाळासाहेब दांगट यांनी त्यांचा सलग दोन वेळा पराभव केला. मात्र 2004 व 2009 साली पुन्हा आमदार वल्लभ बेनके जुन्नर विधानसभेवर निवडून आले. किल्ले शिवनेरी परिसर विकासाचे शिलेदार मानले जातात.
वाचा - प्रकाश आंबेडकरांची सगळ्यात मोठी ऑफर, छगन भुजबळ मान्य करणार?
राष्ट्रवादी काँग्रेसचे सर्वे सर्वा माजी केंद्रीय मंत्री शरद पवार यांचे ते खंदे समर्थक होते. परखड वक्तव्य व प्रशासनावर असलेली पकड यामुळे वल्लभ शेठ बेनके यांचा दरारा संपूर्ण पुणे जिल्ह्यात होता. त्यांच्या जाण्याने निश्चितपणे राष्ट्रवादी काँग्रेस पक्ष व आमदार अतुल बेनके यांच्या कुटुंबामध्ये मोठी पोकळी निर्माण झाली आहे. बेनके यांच्या मागे पत्नी, 3 मुले सुना व नातवंडे असा परिवार आहे. जुन्नरचे विध्यमान आमदार अतुल बेनके यांचे ते वडील होते.