Prakash Ambedkar : प्रकाश आंबेडकरांची सगळ्यात मोठी ऑफर, छगन भुजबळ मान्य करणार?

दरम्यान याआधीही छगन भुजबळ यांनी ओबीसींच्या पक्षाबाबत त्यांची भूमिका स्पष्ट केली आहे. 'ओबीसी नेत्यांनी पक्ष काढायचा निर्णय घेतला आहे. ओबीसी आरक्षण कसं वाचवायचं, यावर फोकस आहे. माझी ही भूमिका आहे. कोर्टाच्या लढाईवर फोकस करणं आवश्यक आहे. आम्ही रॅली घेतो त्यात सर्व पक्षांचे आमदार असतात, सर्वपक्षीय ओबीसी नेते रॅलीत एकत्र येतात. अशावेळी जर नव्या पक्षाचा विचार केला तर इतर सर्व मंडळी काय करणार? मतप्रवाह वेगवेगळे वाहतील, ओबीसी एकत्र येत आहेत, त्यात खंड पडेल का? यावर विचार करायला हवा. सर्वपक्षीय ओबीसी नेत्यांनचा एकत्र येऊन ओबीसी आरक्षण वाचवण्यावर फोकस असायला हवा, असं माझं स्पष्ट मत आहे,' असं छगन भुजबळ म्हणाले होते.

दरम्यान आज झालेल्या राष्ट्रवादी काँग्रेसच्या मेळाव्यात छगन भुजबळांनी पुन्हा एकदा मराठ्यांच्या वेगळ्या आरक्षणाची भूमिका घेतली. 'मराठा आरक्षण मिळालंच पाहिजे, हे आमचं पहिल्यापासूनच मत आहे, पण यापूर्वीचे कायदे टिकले नाहीत, म्हणून हे सरकार येत्या अधिवेशनात मराठा आरक्षणासाठी पुन्हा नव्याने कायदा करतंय, असं भुजबळांनी सांगितलं.