Shocking : वडील अन् भावासोबत गेला तो परतलाच नाही; काही तासांत समोर आलं धक्कादायक सत्य, Pune Crime

आई वाट पाहत होती, पण आला तो आलाच नाही

मिळालेल्या माहितीनुसार, कैवल्य एकनाथ भोते (वय 10) असे मृत मुलाचे नाव असून तो वाशेरे भोतेवाडी येथील रहिवासी होता. रविवारी (15 फेब्रुवारी 2026) दुपारी तो आपल्या वडील आणि भावासोबत घोटवडी येथील जलजीवन मिशन अंतर्गत खोदलेल्या विहिरीत पोहण्यासाठी गेला होता. पोहताना पाण्याची खोली लक्षात न आल्याने त्याचा तोल गेला आणि तो खोल पाण्यात बुडाला.

advertisement

विहीर सुमारे 40 ते 50 फूट खोल असल्याने शोधकार्य कठीण झाले. माहिती मिळताच खेड पोलिस, अग्निशामक दल आणि स्थानिक आपत्कालीन पथक घटनास्थळी दाखल झाले. मात्र विहिरीतील गाळ आणि पाण्याची खोली यामुळे मुलाचा शोध लागत नव्हता.

अखेर वारंगवाडी येथील नागरिकांनी वन्यजीव रक्षक मावळ संस्था आणि लोणावळ्यातील शिवदुर्ग मित्र यांच्याशी संपर्क साधला. त्यांच्या पथकाने घटनास्थळी पोहोचून अवघ्या 10 मिनिटांत कैवल्यचा मृतदेह बाहेर काढला. त्यानंतर मृतदेह पुढील तपासासाठी पोलिसांच्या ताब्यात देण्यात आला.

या घटनेनंतर प्रशासनाने पालकांना आवाहन केले आहे की मुलांना पाण्याजवळ एकटे सोडू नये आणि पाण्याची खोली तपासल्याशिवाय विहिरीत किंवा नदीत उतरू नये.