मुंबईत 1 एप्रिल रोजी अंशतः ढगाळ वातावरण राहील. दुपारनंतर हलका पाऊस आणि मेघगर्जनेची शक्यता आहे. कमाल तापमान 29 ते 30 अंश सेल्सिअस आणि किमान तापमान 24 अंशांपर्यंत राहील. आर्द्रता जास्त असल्याने उकाडा जाणवेल. पुण्यात सकाळी ढगाळ वातावरण असेल तर दुपारनंतर तुरळक ठिकाणी हलका पाऊस पडू शकतो. कमाल तापमान 35 अंश सेल्सिअस आणि किमान 22 अंश सेल्सिअस राहण्याची शक्यता आहे. वाऱ्याचा वेग ताशी 30 ते 40 किलोमीटर असेल.
advertisement
घरी आणा स्वस्तात मस्त ड्रम! बायकोला होईल मोठी मदत, इतकी आहे किंमत!
नाशिकमध्ये हलक्या पावसासह सोसाट्याचे वारे वाहण्याचा अंदाज आहे. कमाल तापमान 34 अंश सेल्सिअस आणि किमान 21 अंश सेल्सिअस राहील. काही ठिकाणी विजांचा कडकडाट होऊ शकतो. नागपूरमध्ये पावसाचा जोर जास्त असेल. हलका ते मध्यम पाऊस आणि गारांचा पाऊस पडण्याची शक्यता आहे. कमाल तापमान 36 अंश सेल्सिअस आणि किमान 24 अंश सेल्सिअस असेल. वारे ताशी 50 किलोमीटर वेगाने वाहू शकतात.
छत्रपती संभाजीनगर या शहरात ढगाळ वातावरणासह हलका पाऊस अपेक्षित आहे. कमाल तापमान 35 अंश सेल्सिअस आणि किमान 23 अंश सेल्सिअस राहील. मेघगर्जना आणि वादळी वारेही अनुभवायला मिळतील. हवामान खात्याने नागरिकांना सावध राहण्याचा आणि आवश्यक खबरदारी घेण्याचा सल्ला दिला आहे. घराबाहेर पडताना छत्री सोबत ठेवावी, असे आवाहन करण्यात आले आहे.