अमेरिकेत पुण्याहून फोनवरून पूजापाठ; त्यानंतर उच्चशिक्षित तरुणीसोबत घडलं ते धक्कादायक

पोलिसांकडून मिळालेल्या माहितीनुसार, फिर्यादी तरुणी या अमेरिकेतील शिकागो या ठिकाणी शिक्षण असताना आरोपीने फोनवरून अध्यात्माद्वारे पूजापाठ आणि जप करून फिर्यादी सह त्यांच्या घरातील अडचणी सोडवतो असे सांगितले. यासाठी आरोपीने फिर्यादी कडून पैसे घेतले. पूजा झाल्यानंतर हे पैसे परत देतो असे आश्वासनही दिले. त्यानुसार आरोपीने फिर्यादी यांच्याकडून 11 लाख 83 हजार रुपये घेतले.

advertisement

लग्नात आला 'बिन बुलाए मेहमान'; 470 रुपयांचं जेवण बकाबका खाल्लं, आहेर पाहून नवरी बेशुद्ध

तरुणी भारतात आली तिथंही लुटलं 

याशिवाय फिर्यादी जेव्हा भारतात परत आल्या तेव्हा त्यांचे महागडे कपडे असतील बॅगही आरोपीने घेतली. फिर्यादीला पिंपरी चिंचवड परिसरात बोलावून त्यांचा सोन्याचा हार आणि सोन्याच्या बांगड्या असा 5 लाख 59 हजाराचा ऐवज त्यांच्याकडून काढून घेतला. याशिवाय रोख 2 लाख 82 हजार रुपये देखील काढून घेतले.

नोव्हेंबर 2022 ते ऑगस्ट 2024 या कालावधीत हा संपूर्ण प्रकार घडला.

अत्याचाराची तक्रार नोंदवायला 12 तास लावले, पण 300 आंदोलकांवर एका रात्रीत गुन्हे

पैसे, दागिने परत देण्यास नकार 

दरम्यान या सर्व घटनेनंतर फिर्यादीने आरोपीकडे आजवर दिलेली रोख रक्कम आणि दागिने परत मागितले असता आरोपीने फिर्यादीचे फोटो मॉर्फ करून सोशल मीडियावर अपलोड करण्याची धमकी दिली. या घटनेनंतर फिर्यादी त्यांनी पोलीस स्टेशन गाठत तक्रार दिली.

आरोपी विरोधात गुन्हा 

डेक्कन पोलीस ठाण्यात याप्रकरणी कलम 406, 420 आणि 506 कलमानुसार गुन्हा दाखल करण्यात आला आहे. सिद्धार्थ अभयकुमार आमळे (रा. 904, स्मृती आनंद विजय नगर काळेवाडी पिंपरी चिंचवड) असे गुन्हा दाखल करण्यात आलेल्या आरोपीचे नाव आहे. अधिक तपास सुरू आहे.