TRENDING:
गुप्त माहितीच्या आधारे छापा
खामगाव येथील एका पाण्याच्या टाकीजवळ असलेल्या पत्र्याच्या शेडमध्ये गांजाची साठवणूक करून तो विकला जात असल्याची गोपनीय माहिती पोलीस निरीक्षक नारायण देशमुख यांना मिळाली होती. या माहितीची शहानिशा करण्यासाठी २७ मार्च रोजी अमली पदार्थ विरोधी पथक आणि यवत पोलिसांनी संयुक्तपणे या ठिकाणी छापा टाकला. झडती दरम्यान पोलिसांना तिथे मोठ्या प्रमाणात गांजाचा साठा मिळून आला.
advertisement
या कारवाईत पोलिसांनी आकाश मोहिते (वय २३, रा. खामगाव) याला जागीच ताब्यात घेतले. पोलिसी खाक्या दाखवताच आकाशने कबुली दिली की, हा गांजा त्याचा मित्र सागर चव्हाण (रा. खामगाव) याचा असून त्याच्या सांगण्यावरूनच तो विक्रीसाठी ठेवला होता. पोलिसांनी एनडीपीएस (NDPS) कायद्यांतर्गत दोघांविरुद्ध गुन्हा दाखल केला असून सागर चव्हाण सध्या फरार आहे.
अटक करण्यात आलेल्या आकाश मोहिते याला न्यायालयाने ३१ मार्चपर्यंत पोलीस कोठडी सुनावली होती. ही कारवाई पोलीस उपअधीक्षक विजय कोल्हे, पोलीस निरीक्षक नारायण देशमुख आणि त्यांच्या सहकाऱ्यांनी अत्यंत नियोजनबद्ध पद्धतीने पार पाडली. या गांजा तस्करीचे धागेदोरे नेमके कुठे पोहोचले आहेत, याचा तपास आता पोलीस उपनिरीक्षक विजय कोल्हे करत आहेत.
या कारवाईमुळे दौंड तालुक्यातील अवैध धंदे करणाऱ्यांचे धाबे दणाणले असून, अशा कारवाया पुढेही सुरूच राहतील, असा इशारा पोलिसांनी दिला आहे.