TRENDING:
भव्य स्थापत्यशैली : या मंदिराचे प्रमुख वैशिष्ट्य म्हणजे त्याचे द्रविडीयन शैलीतील स्थापत्यकला आहे. मंदिराच्या मुख्य भागात मोठा दगडी रथ असून, तो घोड्यांनी ओढला जात आहे असे भासते. या रथाची रचना अतिशय सुंदर असून, चोल सम्राटांच्या उत्कृष्ट कारागिरीचे दर्शन घडवते. मंदिरातील प्रत्येक खांब आणि कोरीव काम हे चोल काळातील अप्रतिम शिल्पकलेचे उदाहरण आहे.
advertisement
रहस्यमय पायऱ्या : या मंदिरातील सर्वांत अद्भुत बाब म्हणजे येथील संगीत निर्माण करणाऱ्या पायऱ्या. मंदिराच्या एका भागात तीन विशेष पायऱ्या आहेत. या पायऱ्यांवर पाय ठेवल्यास किंवा हलकासा धक्का दिल्यास, वेगवेगळ्या रागांचे संगीत निर्माण होते. हे अगदी एखाद्या वाद्यासारखे वाजते. हे रहस्य वैज्ञानिकांनाही आश्चर्यचकित करते. अनेक संशोधकांनी याचा अभ्यास केला, पण 800 वर्षांनंतरही या पायऱ्यांचे गूढ कोणी उलगडू शकलेले नाही. या अद्भुत वैशिष्ट्यांमुळे युनेस्कोने 2004 मध्ये या मंदिराचा जागतिक वारसा स्थळांमध्ये समावेश केला. जगभरातील हजारो पर्यटक हे अद्भुत मंदिर पाहण्यासाठी येथे येतात.
इतिहास आणि महत्त्व : हे मंदिर राजा राजराजा चोल दुसरे यांनी 12 व्या शतकात बांधले. हे मंदिर भगवान शिवाच्या हत्ती ऐरावत याच्या नावाने ओळखले जाते. पुराणानुसार, ऐरावताने येथे भगवान शिवाची पूजा केली होती. त्यामुळे या मंदिराला ऐरावतेश्वर असे नाव देण्यात आले. भव्य स्थापत्यशैली, रहस्यमय पायऱ्या आणि ऐतिहासिक महत्त्व यामुळे हे मंदिर पर्यटकांसाठी एक अनोखे ठिकाण आहे. जर तुम्हाला भारतीय स्थापत्यशास्त्र आणि इतिहासाची आवड असेल, तर एकदा तरी या मंदिराला भेट द्यायला हवी.
कसे पोहोचाल? : ऐरावतेश्वर मंदिर कुंभकोणमजवळ आहे. येथे रस्त्याने, रेल्वेने किंवा विमानाने पोहोचता येते. ऑक्टोबर ते मार्च हा या मंदिराला भेट देण्यासाठी सर्वोत्तम वेळ मानली जाते. या काळात हवामान आल्हाददायक असते आणि मंदिराच्या सौंदर्याचा मनमुराद आनंद घेता येतो.
हे ही वाचा : महादेवाचे अद्भूत मंदिर, जे दिवसातून 2 वेळा होते गायब! यामागचं नेमकं रहस्य काय?