या दिवशी घरातील सर्व दिवे स्वच्छ करून त्यांना तेल घालून देवासमोर लावले जातात. तसेच कणकेचे दिवे करून दक्षिण दिशेला फिरवून ते लावले जातात, जे पितरांच्या पूजनासाठी केले जाते. यामुळे पितरांची कृपा लाभते, असे मानले जाते.
Shravan 2025: श्रावण महिन्यात वाहिली जाणारी शिवमूठ म्हणजे काय? काय आहे धार्मिक महत्त्व, Video
advertisement
गटारी की गतहारी?
आपण सर्वसाधारणपणे या अमावस्येला 'गटारी' अमावस्या म्हणतो आणि मांसाहारी भोजन, जल्लोष याचा अविभाज्य भाग मानतो. परंतु आदित्य जोशी गुरुजींच्या मते, 'गटारी' हा शब्द चुकीचा असून, 'गतहारी' हा मूळ शब्द आहे. हा शब्द 'गत' आणि 'आहार' या शब्दांवरून आला आहे, ज्याचा अर्थ 'सोडलेला आहार' असा होतो. काही लोक या दिवसाला 'गतहारी' असेही म्हणतात, ज्याचा अर्थ 'गेलेला आहार' असा होतो.
श्रावण मासात मांसाहार वर्ज्य मानला जातो. यामागे शास्त्रीय कारण देखील आहे. पावसाळ्याच्या दिवसांत मासे प्रजनन करतात आणि पाण्यातील जीवाणूंची वाढ होते. त्यामुळे मांसाहार टाळावा, असे आयुर्वेदात सांगितले आहे.
यंदा गुरुवारी, 24 जुलै रोजी आषाढ अमावस्या आहे. या दिवशी कणकेपासून दिवे तयार करून दक्षिण दिशेस दिवे लावणे शुभ आहे.
मुहूर्त आणि तिथी
दीप अमावस्येचा शुभ मुहूर्त - 24 जुलै 2025
तिथी सुरू: 24 जुलै, गुरुवार, सकाळी 7:28 वाजता
तिथी समाप्त: 25 जुलै, शुक्रवार, सकाळी 9:17 वाजता
अमृत काळ: दुपारी 1:30 ते 3:00
राहूकाळ: दुपारी 1:30 ते 3:00
पंचांगानुसार, 24 जुलै रोजी विविध धार्मिक विधी, दीप पूजन व पितर तर्पणासाठी हा उत्तम दिवस मानला जातो.