धनत्रयोदशीच्या संध्याकाळी गाई आणि कुबेर देव यांची पूजा करावी. त्यामुळे सुद्धा आपल्या घरामध्ये धनप्राप्ती होते. तसेच कुबेर देवतेची पूजा केल्यानंतर आपल्या घरी लक्ष्मीची स्थिरता लाभते. त्यासोबतच आयुर्वेदिक धन्वंतरी यांचे देखील पूजा करावी. यामुळे देखील आपलं आरोग्य देखील चांगले राहाते, असे गुरुजी सांगतात.
दिवाळीत लक्ष्मीपूजनाला घ्या काळजी, अलक्ष्मीला असं ठेवा घराबाहेर, Video
advertisement
अशी करावी पूजा
धनत्रयोदशीच्या दिवशी संध्याकाळच्या वेळेला घर स्वच्छ करावे. देवघरामध्ये महाविष्णू स्वरूप असलेले कुबेर देवता यांची सोन्याची किंवा चांदीचे नाणे असलेली प्रतिमा स्वच्छ स्नान घालून त्याची पूजा करावी. गंध, फुल, अक्षदा, धूप, नैवेद्य कुबेर देवाला दाखवावा. हे केल्यामुळे घरामध्ये लक्ष्मी स्थिर राहते. पूजा केल्यानंतर कुबेर देवता मंत्र म्हणावं ' श्री कुबेराय नमः ' हा मंत्र 108 वेळा जप करावा. यामुळे आपल्या घरामध्ये लक्ष्मी राहते आणि घरात सुख शांती देखील नांदते, असे कळवे गुरुजी सांगतात.
हिंदू धर्मात मृत्यूनंतर 10 दिवस का लावतात दिवा? ज्योत विझली तर काय होतं?
धन्वंतरी पूजेला महत्त्व
धनत्रयोदशीच्या दिवशी धन्वंतरीची पूजा करावी. यामुळे आपलं आरोग्य देखील चांगलं राहतं. आरोग्य हे संपत्तीसमान आहे. त्यामुळे आरोग्य देवतेची उपासना करावी. त्यामुळेही घरामध्ये सुख शांती आणि समृद्धी राहते, असेही गुरुजी सांगतात.