बाप्पाला घरी कधी आणवे?
पिठोरी आमवस्येनंतर म्हणजेच 16 सप्टेंबरनंतर 19 तारखेला सकाळपर्यंत कधीही बाप्पाला घरी आणले तरी चालेल, असं कुलकर्णी यांनी स्पष्ट केलं. ही मूर्ती आणताना एक पाट घ्यावा. या पाटावर एक लाल वस्त्र टाकावे. त्यानंतर त्यावर तांदळाचे स्वस्तिक कढावे किंवा तांदूळ ठेवावे . त्यावर बाप्पाची मूर्ती ठेवावी आणि ती लाल कापडात झाकून आणावी. आपली मूर्ती स्थापन करायची आहे. त्यामुळे लाल कपड्यानं ती झाकून ठेवावी.
advertisement
1929 मधील गणेशाची अद्भुत मूर्ती, द्विमुखी रुपात विराजमान आहे बाप्पा, आहे अनोखा इतिहास
मूर्तीची स्थापना करताना तो कपडा काढावा. मूर्तीच्या डोळ्यांना हाताने दूध आणि पाणी लावावे त्यानंतर शास्त्रोक्त पद्धतीनं त्याची स्थापना करावी, असं कुलकर्णी यांनी सांगितलं.
काय आहे शूभ मुहूर्त?
बाप्पाची स्थापना करण्यासाठी शूभ मुहूर्त कोणता? हा प्रश्न अनेकांना पडतो. यावर्षी गणेश चतुर्थी ही मंगळवारी आलीय. त्यामुळे आंगारा योग आहे. या योगामुळे मूर्तीची स्थापना करण्यासाठी मुहूर्त पाहण्याची गरज नाही. गणेश चतुर्थी 1.45 वाजता आहे. तोपर्यंत तुम्ही बाप्पाची स्थापना करू शकता, असं कुलकर्णी यांनी सांगितलं.
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)