TRENDING:
शनिअस्ताचा व्यापक परिणाम
ज्योतिषतज्ज्ञांच्या मते, ग्रह अस्त होणे म्हणजे त्याची उर्जा काही काळासाठी मंदावणे होय. त्यामुळे त्या ग्रहाच्या कारकत्वाशी संबंधित क्षेत्रांत बदल दिसून येतात. शनि हा मेहनत, संयम, कर्तव्य आणि जबाबदारीशी संबंधित ग्रह आहे. त्यामुळे शनिच्या अस्तकाळात काहींना दिलासा मिळू शकतो, तर काहींना आत्मपरीक्षणाची वेळ येऊ शकते. मात्र, धनु, कुंभ आणि मीन या तीन राशींना यावेळी सकारात्मक संकेत मिळत असल्याचे सांगितले जात आहे.
advertisement
धनु रास
धनु राशीच्या व्यक्तींसाठी हा काळ प्रगतीचा मानला जात आहे. आर्थिक बाबतीत स्थैर्य निर्माण होईल आणि उत्पन्नाचे नवे स्रोत उपलब्ध होतील. दीर्घकाळ प्रलंबित असलेली कामे मार्गी लागतील. घरगुती सुखसोयींमध्ये वाढ होण्याची शक्यता आहे. गुंतवणुकीतून लाभ मिळू शकतो, मात्र जोखीम पत्करताना सावधगिरी बाळगणे गरजेचे आहे. अनावश्यक कर्ज देणे टाळावे, अन्यथा पैसे अडकण्याची शक्यता आहे. मानसिक स्थैर्य राखून सकारात्मक दृष्टीकोन ठेवला तर हा काळ अधिक लाभदायक ठरेल.
कुंभ रास
कुंभ राशीच्या लोकांसाठी शनिचा अस्त अनपेक्षित धनलाभाचे योग निर्माण करू शकतो. व्यवसायात विस्ताराची संधी मिळेल. विशेषतः मार्केटिंग, विक्री, संवाद कौशल्याशी संबंधित क्षेत्रांत कार्यरत असलेल्यांना चांगले यश मिळू शकते. केलेल्या मेहनतीचे फळ या काळात मिळण्याची चिन्हे आहेत. मार्च महिन्यात नवीन उपक्रम सुरू करण्यासाठी वेळ अनुकूल ठरू शकतो. आत्मविश्वास वाढेल आणि निर्णयक्षमता अधिक ठाम होईल.
मीन रास
शनि स्वतः मीन राशीत अस्त होत असल्याने मीन राशीच्या व्यक्तींवर त्याचा वेगळा परिणाम जाणवू शकतो. आत्मविश्वास आणि मानसिक ताकद वाढण्याची शक्यता आहे. नवीन कौशल्ये आत्मसात करण्याची प्रेरणा मिळेल. समाजात मान-सन्मान वाढेल आणि प्रतिमा अधिक मजबूत होईल. एखाद्या नव्या प्रकल्पाची किंवा कामाची सुरुवात करण्यासाठी हा काळ पोषक ठरू शकतो.
(सदर बातमी फक्त माहितीकरिता असून न्यूज १८ मराठी कुठलाही दावा करत नाही)