Success Story : 3 वर्षांपूर्वी घरीच सुरुवात, अलका यांचा कवठ जाम विक्री व्यवसाय भारीच, महिन्याला एवढी कमाई

छत्रपती संभाजीनगर : पैठण तालुक्यातील म्हारोळा येथील अलका जाधव या गेल्या 3 वर्षांपासून कवठ जाम बनवण्याचं आणि विक्री करण्याचं काम करत आहेत. कवठ जाम बरोबरच चहा मसाला, घरगुती पितांबरी, विविध प्रकारच्या चटण्या, काळा आणि गरम मसाला, आमटी, ढोकळा आणि डाळ बट्टी यासाठी लागणारे सर्व साहित्य घरी बनवले जाते. तसेच त्या पदार्थांची विक्री मुंबई, पुणे, छत्रपती संभाजीनगर या जिल्ह्यात उमेद जीवन ज्योती अभियानांतर्गत विविध ठिकाणी स्टॉल लावले जातात, त्या माध्यमातून उत्पादनांची विक्री केली जाते. या माध्यमातून महिन्याला 80 हजार रुपयांची कमाई अलका जाधव यांची होत असते. याबरोबरच त्यांनी दोन महिलांना रोजगार देखील उपलब्ध करून दिला असल्याचे जाधव यांनी लोकल 18 सोबत बोलताना सांगितले.