श्रीराम ज्योती प्रज्वलित करावी -
ज्योतिषी डॉ. भार्गव सांगतात की, दिवाळी हा सण प्रदोषकाळात साजरा केला जातो, म्हणजेच सूर्यास्तानंतर अंधार पडू लागतो, तेव्हापासूनच प्रकाश देण्याची गरज असते. आजच्या दिवशी प्रदोष काळात श्री रामज्योती लावा. प्रदोष काळापासून रात्रभर श्रीराम ज्योती प्रज्वलित करावी.
श्रीराम ज्योती प्रज्वलित करण्याची वेळ?
आज सूर्यास्त संध्याकाळी 05:52 वाजता होईल. त्यानंतर प्रदोष कालावधी सुरू होतो आणि रात्रीच्या प्रारंभापर्यंत मानला जातो. ठिकाणानुसार सूर्यास्ताच्या वेळांमध्ये बदल होत असतो. त्यामुळे सर्वसाधारणपणे सूर्यास्तानंतर किंवा अंधार पडू लागल्यावर श्रीराम ज्योती लावावी.
advertisement
रामलल्ला प्राणप्रतिष्ठा सोहळ्यापूर्वी मंदिराच्या आतील Exclusive PHOTO
श्रीराम ज्योती कशी प्रज्वलित करावी?
पूजेच्या ठिकाणी ईशान्य दिशेला सुंदर रांगोळी काढावी. रांगोळीच्या मध्यभागी सप्तधान्य ठेवा. नंतर मातीचा दिवा मोहरी किंवा तिळाच्या तेलाने भरा. त्यात कापसाची वात घाला. प्रभू रामललाचे स्मरण करून हा दिवा लावा. तो रांगोळीच्या मध्यभागी ठेवा. हा दिवा रात्रभर तेवत राहील याची काळजी घ्या.
4 शुभ संयोगाने श्री रामज्योती प्रज्लवलन -
श्री राम ज्योती प्रज्वलित करताना सर्वार्थ सिद्धी योग, अमृत सिद्धी योग, इंद्र योग, मृगाशिरा नक्षत्र असेल. यामध्ये तुम्ही प्रभु रामाकडे जी प्रार्थना कराल ती पूर्ण होईल. सर्वार्थ सिद्धी योगात केलेले कार्य यशस्वी ठरते.
जय श्रीराम! आज प्राण-प्रतिष्ठापनेचा दिवस! घरी अशी करा पूजा, मंत्र, आरती, शुभ योग
दिवा लावताना म्हणण्याचा मंत्र -
शुभम करोति कल्याणं, आरोग्यं धन संपदाम्
शत्रु बुद्धि विनाशा, दीपं ज्योति नमोस्तुते.
देशभरात दिवाळीसारखा सण -
रामललाच्या प्राणप्रतिष्ठापना निमित्ताने संपूर्ण देशात दिवाळीसारखा आनंदोत्सव साजरा होत आहे. प्रत्येक मंदिर, घर, बाजार, चौक, रस्ता आणि परिसर दिव्यांनी, फुलांनी आणि भगव्या ध्वजांनी सजलेला आहे. दुकानांमध्ये दिवे आणि फटाके विकले जात आहेत. लोक आज घरोघरी श्री रामज्योती लावून उत्सव साजरा करतील.