काय आहे घटस्थापनेचा मुहूर्त
15 ऑक्टोबर 2023 रोजी घटस्थापना आहे. तर घटस्थापनेचा मुहूर्त हा सकाळी 10:47 मिनिटे ते दुपारी 12: 47 मिनिटांपर्यंत असणार आहे. त्यात सकाळचा लाभ मुहूर्त तर त्यानंतरचा अमृत मुहूर्त आहे. बारा वाजून 47 मिनिटांपर्यंतची वेळ घटस्थापनासाठी उत्तम असल्याचं पाचखेडे महाराज सांगतात.
गुरं चारायला आलेली कन्या गायब अन् रक्ताची धार, विदर्भातील देवीची अनोखी आख्यायिका
advertisement
अशी करा घटस्थापना
एक पत्रावळी घ्या. पत्रावळीमध्ये टोपली घेऊन त्यात माती टाका. मातीमध्ये घट ठेवा आणि त्यात पाच पाने टाकायची. यात वड, औदुंबर, पळस, पिंपळ यासारखी पाने असावीत. पैसा आणि सुपारी टाकायची. घटाचा कंठ धाग्याने बांधून घ्यायचा. त्यावर पाच भांड्याची किंवा उसाची झोपडी ठेवायची. त्यानंतर घटावर नारळ ठेवायचं. नऊ दिवस त्या कलशाला वेगवेगळ्या माळी ठेवायच्या. दिवा बाजूला आणि सुरक्षित जागी ठेवायचा. देवीची आराधना आणि जप करत आपलं मन प्रसन्न ठेवायचं, असं महाराज सांगतात.
देवीचा आवडता रंग कोणता? नवरात्रीत नऊ रंगाची कपडे का घालावीत? Video
मन प्रसन्न ठेवून करा हा जप
घटस्थापना करताना 'सर्व मंगल मांगल्ये शिवे सर्वार्थ साधिके, शरण्ये त्रंबके गौरी नारायणे नमोस्तुते' हा मंत्र जप करायचा आहे. तसेच आपले चित्त, आपले विचार आणि आपल्या घरचे वातावरण हे प्रसन्न ठेवण्याचा प्रयत्न करायचा. नवरात्रोत्सवात आई जगदंबेची उपासना, आराधना आणि जप केल्याने आपले मनोकामना पूर्ण होतात, असे सांगितले जाते.
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)