TRENDING:
'ही' आहे तुळशीसाठी सर्वोत्तम दिशा
वास्तुशास्त्रानुसार, तुळशीचे रोप लावण्यासाठी उत्तर किंवा ईशान्य दिशा सर्वात शुभ मानली जाते. ईशान्य दिशेला 'देवांची दिशा' मानले जाते. येथे तुळस लावल्याने घरात सुख, समृद्धी आणि शांती येते. तर उत्तर दिशा धनाचा राजा कुबेर याची मानली जाते. येथे तुळस लावल्याने आर्थिक मार्ग मोकळे होतात आणि व्यवसायात प्रगती होते. जर तुम्हाला उत्तर किंवा ईशान्येत जागा नसेल, तर पूर्व दिशेलाही तुळस लावता येते. यामुळे समाजात मान-सन्मान वाढतो.
advertisement
चुकूनही 'या' दिशेला लावू नका तुळस
घराची दक्षिण दिशा ही पितरांची आणि यमाची दिशा मानली जाते. वास्तू तज्ज्ञांच्या मते, दक्षिण दिशेला लावलेली तुळस घरामध्ये वास्तुदोष निर्माण करते. यामुळे कुटुंबातील सदस्यांचे आरोग्य बिघडू शकते आणि घरात गरिबी येऊ शकते. दक्षिण दिशेला सूर्यप्रकाश जास्त असल्याने तुळस लवकर सुकते, जे अशुभ मानले जाते. त्यामुळे विसरूनही या दिशेला तुळस ठेवू नका.
तुळशीची निगा आणि पूजेचे नियम
स्वच्छता: तुळशीच्या कुंडीभोवती कधीही कचरा, झाडू किंवा चपला ठेवू नका.
पाणी अर्पण करणे: दररोज सकाळी तुळशीला जल अर्पण करावे, मात्र रविवार आणि एकादशी या दिवशी पाणी घालू नका आणि पाने तोडू नका.
दिवा लावणे: रोज संध्याकाळी तुळशीपाशी शुद्ध तुपाचा किंवा तेलाचा दिवा लावल्याने घरातील नकारात्मक ऊर्जा नष्ट होते.
सुकलेली तुळस: जर तुळस सुकली असेल, तर ती लगेच काढून एखाद्या पवित्र नदीत विसर्जित करावी आणि त्या जागी नवीन रोप लावावे. सुकलेली तुळस घरात ठेवणे अशुभ असते.
टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)