शनि प्रदोष व्रत 2024 मुहूर्त आणि योग -
श्रावण कृष्ण त्रयोदशी तिथीची सुरुवात: 31 ऑगस्ट, शनिवार, पहाटे 02:25 वाजता
श्रावण कृष्ण त्रयोदशी तिथीची समाप्ती: 1 सप्टेंबर, रविवार, पहाटे 03:40
शनि प्रदोष पूजा मुहूर्त: शनिवार संध्याकाळी 06:43 ते रात्री 08:59
परिघ योग: संध्याकाळी 05:39 ते दुसऱ्या दिवशी संध्याकाळी 05:50 पर्यंत
पुष्य नक्षत्र : सकाळी 07:39 पर्यंत
advertisement
शनि प्रदोष व्रत सोडण्याची वेळ: 1 सप्टेंबर, सकाळी 5:59 नंतर
शनि प्रदोष व्रत 2024 पूजा पद्धत -
शनि प्रदोष व्रताच्या दिवशी सकाळी स्नान करून व्रत आणि शिव पूजा करण्याचा संकल्प करावा. त्यानंतर दिवसभर फलाहारावर राहावे. त्यानंतर संध्याकाळी शिवमंदिरात जावे किंवा घरी महादेवाची पूजा करावी. सर्व प्रथम महादेवाला गंगाजलाने अभिषेक करावा. त्यानंतर शिवलिंगावर अक्षत, बेलपत्र, चंदन, फुले, फळे, भांग, धतुरा, नैवेद्य, मध, धूप, दिवा इत्यादी अर्पण करा. या दरम्यान पंचाक्षर मंत्र ओम नमः शिवाय जपत राहावे.
गुरू करणार वक्री गोचर; 4 महिन्यांत उजळणार 'या' तीन राशींचं नशीब!
त्यानंतर शिव चालिसा पठण करावे. त्यानंतर शनि प्रदोष व्रताची कथा वाचावी. पूर्ण झाल्यावर कापूर किंवा तुपाच्या दिव्याने भगवान शंकराची आरती करा. पूजेच्या शेवटी चुकीसाठी क्षमा मागून मूल होण्यासाठी आशीर्वाद घ्यावा. रात्री जागरण करू शकता, दुसऱ्या दिवशी सकाळी स्नान वगैरे करून पूजा करावी. नंतर ब्राह्मणांना दान आणि दक्षिणा देऊन तृप्त करावे. त्यानंतर उपवास सोडून व्रत पूर्ण करावे.
शनि प्रदोष व्रताच्या कथेनुसार, जो कोणी हे व्रत खऱ्या मनाने पाळतो त्याला उत्तम संतती प्राप्त होते. एका निपुत्रिक जोडप्यानं विधीनुसार हे व्रत पाळले आणि परिणामी त्यांना पुत्रप्राप्ती झाली असे, कथेत सांगितले आहे.
आषाढी वारीसाठी पंढरीला गेलेल्या शिवछत्रपतींच्या पादुका शिवनेरीवर स्वस्थानी दाखल
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)