अंजनेरी पर्वतरांगेतील या मंदिराचे काम 2014 साली पूर्ण झाले. तेव्हा पासूनच मंदिर भाविकांना दर्शनासाठी खुले करण्यात आले होते. मात्र, तेव्हा मंदिराचा फार प्रचार प्रसार झाला नव्हता. अनेकांना हे मंदिर माहितीही नव्हतं. पण 2022 च्या सुरुवातीलाच मंदिराचे काही फोटो, व्हिडिओ सोशल मीडियावर प्रतिकेदारनाथ मंदिर नावाने प्रचंड व्हायरल झाले. तेव्हापासून परिसरात प्रथमच असे मंदिर असल्याचे भाविकांना माहिती झाले. आता शेकडो भाविक या ठिकाणी दर्शनासाठी येतात.
advertisement
Video : अयोध्येतील राम मंदिराची पुणेकरांना पर्वणी, पाहा दगडूशेठच्या देखाव्याचा फर्स्ट लुक
मंदिरापर्यंत कसे पोहोचाल?
मंदिरात जाण्यासाठी नाशिकहून त्र्यंबकेश्वरकडे जाताना वाढोली फाटा आहे. त्या फाट्यावरून डाव्या हाताला वळल्यानंतर 3 किलोमीटर अंतरावर वाढोली गावं आहे. गावातून पुढे मंदिराकडे जाण्यासाठी रस्ता आहे. गावापासून साधारण 3 किलोमीटर अंतरावर निसर्गरम्य वातावरणात हे मंदिर आहे. तसेच अंजनेरी फाट्यावरून देखील मंदिराकडे जाण्यासाठी रस्ता आहे. नाशिक शहर ते प्रतिकेदारनाथ मंदिर हे अंतर साधारण 30 किलोमीटर आहे. खाजगी वाहनाने किंवा बसने तुम्ही जाऊ शकता.
भारत-पाक बॉर्डरवर जल्लोषात साजरा होतो गणेशोत्सव, 14 वर्षांपासून आहे मुंबईशी कनेक्शन
भक्त निवासाची व्यवस्था
अंजनेरी पर्वत रांगेत चार एकरच्या जागेत हे मंदिर साकारण्यात आले आहे. मंदिर परिसरात भक्त निवास, भागवत पूज्यपाद, शंकराचार्य आश्रम, दुर्गा परमेश्वरी मंदिर आहे. सामान्य नागरिकांमध्ये आध्यात्मविद्येचा प्रसार आणि प्रचार करण्यासाठी हे मंदिर स्थापन करण्यात आले आहे. मंदिरात दर्शनाची वेळ सकाळी 10 ते सायंकाळी 5 वाजेपर्यंत आहे. त्यानंतर दर्शन बंद केलं जातं कारण मंदिर परिसरात पूर्णतः जंगल आहे. त्यामुळे सुरक्षेच्या दृष्टीने मंदिर लवकर बंद केले जाते.