कुंडलीतील शुक्र ग्रह बलवान करण्यासाठी, उंबराच्या झाडाशी संबंधित काही उपाय आपल्यासाठी फायदेशीर ठरू शकतात. नित्यनियमानं उंबराच्या झाडाला पाणी अर्पण केलं किंवा त्याखाली दिवा लावला तर कुंडलीत शुक्र ग्रह बलवान होतो. कारण, शुक्र हा धन आणि सुख-संपत्तीचा कारक ग्रह मानला जातो. त्यामुळे उंबराच्या झाडाशी संबंधित उपाय केल्यानं धन-समृद्धीची कधीही कमतरता भासत नाही. ज्योतिषी पं. ऋषिकांत मिश्रा शास्त्री यांच्याकडून उंबराच्या उपायांबद्दल जाणून घेऊया.
advertisement
उंबराच्या झाडाचे सोपे उपाय तुमचे जीवन आनंदाने भरतील -
उंबराचं झाड लावा: ज्योतिषी पं. ऋषिकांत मिश्रा सांगतात की, कुंडलीत शुक्र कमकुवत स्थितीत असेल तर व्यक्तीला भौतिक सुखसोयी आणि पैशांशी संबंधित समस्यांना सामोरे जावे लागू शकते. त्यामुळे कुंडलीतील शुक्र ग्रह बलवान होण्यासाठी शुक्रवारी उंबराचे झाड लावा आणि त्याला रोज पुरेसं पाणी घाला. जसजसा उंबर वाढेल तसतसा शुक्र बलवान होईल. यासोबतच जीवनात सुख-समृद्धी येऊ लागते.
पहिलं सूर्यग्रहण कोणत्या अमावस्येला लागणार? कुठे दिसणार, सुतक कालावधी कधी
मंत्राचा जप : ज्योतिषांच्या मते, कुंडलीत कमकुवत शुक्र हे गरिबीचे लक्षण मानले जाते. अशा स्थितीत जर एखाद्याचा शुक्र कमजोर असेल तर शुक्रवारी उंबराच्या झाडाच्या लाकडाने हवन करताना 'ओम शम शुक्राय नमः' या मंत्राचा जप करावा. या उपायाने कुंडलीतील शुक्र ग्रह बलवान होण्यास मदत होते.
कामातील अडचणी दूर होतील : ज्योतिषांच्या मते, प्रेमविवाहात अडथळे येत असतील आणि जमीन-संपत्तीशी संबंधित समस्यांपासून मुक्ती मिळवायची असेल, तर त्यासाठी कोणत्याही महिन्यातील शुक्ल पक्षाच्या शुक्रवारी उंबराच्या झाडाची काही छोटी मुळं काढावीत. घरी आणून गंगाजल शिंपडून शुद्ध करा. नंतर तुमच्या मनातील इच्छा ध्यानात ठेवून ते मूळ चांदीच्या ताबीजात घालून परिधान करा.
दृष्ट लागू नये म्हणून : तुम्हाला आर्थिक समृद्धी, संपत्तीची प्राप्ती, जमीन किंवा मालमत्तेची खरेदी करण्याची इच्छा असेल, परंतु ते काम पूर्ण करू शकत नसेल तर चांदीच्या ताबीजमध्ये उंबराचे मूळ घालून ते धारण करा. उंबराच्या ताविजाचा हा उपाय परिणामकारक मानला जातो. तसेच ते धारण केल्यानं दृष्ट लागणार नाही.
प्रपोज करण्यात पटाईत असतात या जन्मतारखांचे लोक! घरीही बिनधास्त सांगतात
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)