घरात नकारात्मक ऊर्जा वाढू शकते आणि...
उज्जैनचे आचार्य आनंद भारद्वाज यांनी सांगितलं की, वास्तुशास्त्रानुसार, घरात आपल्या पूर्वजांचे एकापेक्षा जास्त फोटो कधीही लावू नयेत. गेलेल्या पूर्वजांचे एकापेक्षा जास्त फोटो लावल्याने घरात नकारात्मक ऊर्जा वाढू शकते आणि शुभ परिणामांऐवजी अशुभ परिणाम दिसून येतात, घरात अडचणी वाढू शकतात. चला जाणून घेऊया, पूर्वजांचे फोटो कोणत्या दिशेला लावणं शुभ आहे आणि कोणत्या ठिकाणी लावणं अशुभ?
advertisement
पूर्वजांचे फोटो लावण्याची योग्य दिशा कोणती?
वास्तुशास्त्रानुसार, पूर्वजांचे फोटो लावण्यासाठी दक्षिण दिशा सर्वात चांगली मानली जाते. दक्षिण दिशेला पूर्वजांचे फोटो लावताना त्यांचा चेहरा उत्तर दिशेकडे असावा. दक्षिण दिशा यमदेवाची दिशा मानली जाते. या दिशेला पूर्वजांचे फोटो लावल्यास घरात सुख-समृद्धी टिकून राहते आणि पूर्वजांचा आशीर्वाद मिळतो असं मानलं जातं.
कोणत्या ठिकाणी फोटो लावू नये?
शास्त्रानुसार, पूर्वजांचे फोटो कधीही देवघरात किंवा बेडरूममध्ये लावू नये. असं केल्याने घरातील सदस्यांच्या आरोग्यावर नकारात्मक परिणाम होतो, ज्यामुळे कुटुंबात अनेक प्रकारचे आजार पसरू लागतात असं म्हटलं जातं. तसेच, ड्रॉईंग रूम किंवा घरात येणाऱ्या-जाणाऱ्यांच्या सतत नजरेत येईल अशा ठिकाणीही पूर्वजांचे फोटो लावणं टाळावं.
हे ही वाचा : नदीतील मासे तुम्हाला बनवतील फिट; नियमित खा 'हे' मासे, BP अन् हार्ट अटॅकवर रामबाण उपाय!
हे ही वाचा : गॅस सिलेंडरला आग लागल्यास काय कराल? 'या' सोप्या ट्रिक्सनी विझवा आग अन् वाचना जीव!