IND vs NZ T20i : 'असंच मी कॅप्टन झालो नाही...', अजिंक्य रहाणेची भविष्यवाणी ठरली तंतोतंत खरी! गंभीरच्या प्लॅन आधीच होतोय लीक?

Ajinkya Rahane Predicted Accurately Playing XI : एक व्हिडीओ व्हायरल होतोय. यामध्ये एका कार्यक्रमात अजिंक्य रहाणे याने केलेली भविष्यवाणी तंतोतंत खरी ठरली आहे.

Ajinkya Rahane Predicted Accurately Playing XI : भारत आणि न्यूझीलंड यांच्यातील तिसरा टी-ट्वेंटी सामना आज गुवाहाटीमध्ये खेळवला जाणार आहे. पहिल्या दोन टी-ट्वेंटी सामन्यात टीम इंडियाने विजय मिळवल्यानंतर आता आजचा सामना जिंकून मालिका खिशात घालण्याची रणनिती भारतीय संघाची असणार आहे. अशातच आता दुसऱ्या सामन्यापूर्वीचा एक व्हिडीओ व्हायरल होतोय. यामध्ये एका कार्यक्रमात अजिंक्य रहाणे याने केलेली भविष्यवाणी तंतोतंत खरी ठरली आहे.

Ajinkya Rahane Predicted Accurately IND vs NZ T20i Playing XI

मला वाटतंय की टीम इंडियामध्ये...

अजिंक्य रहाणेने आधीच म्हटलं होतं की, मला वाटतंय की टीम इंडियामध्ये दोन बदल केले जातील. गंभीर नक्की अक्षर पटेल आणि एका फास्टर बॉलरला खाली बसवेल आणि एका खेळाडूची टीम इंडियामध्ये एन्ट्री होईल. नंबर आठ वर बॅटर हवा असल्याने हर्षित राणाला प्लेइंग इलेव्हनमध्ये घेतील. तसेच कुलदीप यादवला देखील संधी दिली जाईल, असं अजिंक्यने प्रेडिक्ट केलं होतं, असं अँकरने प्रेक्षकांना सांगितलं. त्यावर अजिंक्य रहाणे याने एका वाक्यात उत्तर दिलं.

हर्षितला संधी दिली जाईल अन्...

असंच मी कॅप्टन झालो नाही, असं अजिंक्य रहाणे आत्मविश्वासाने म्हणाला. त्यानंतर रहाणेचं उत्तर ऐकून सर्वांना धक्का बसला अन् सर्वजण हसले. अजिंक्य रहाणे याने दुसऱ्या टी-ट्वेंटी सामन्यापूर्वी भविष्यवाणी केली होती की, हर्षितला संधी दिली जाईल अन् दोन खेळाडू बाहेर असतील. ती भविष्यवाणी हुबेहुब खरी ठरली. पीचचा अंदाज घेत अजिंक्य रहाणे याने हा अंदाज वर्तविला होता. रहाणेच्या या भविष्यवाणीमुळे गंभीरचा प्लॅन आधीच लीक होतोय की काय? असा सवाल विचारला जाऊ लागला आहे.

टॉप व्हिडीओज

सर्व पहा

यंदा रथसप्तमीला सुवर्णयोग! ‘त्या’ इच्छा होतील पूर्ण, का करतात सूर्यदेवाची पूजा?

सर्व पहा

टीम इंडियाची संभाव्य प्लेइंग इलेव्हन - संजू सॅमसन (विकेटकीपर), अभिषेक शर्मा, ईशान किशन, सूर्यकुमार यादव (कॅप्टन), हार्दिक पांड्या, शिवम दुबे, रिंकू सिंह, अक्षर पटेल/कुलदीप यादव, जसप्रीत बुमराह, अर्शदीप सिंह/ हर्षित राणा, वरुण चक्रवर्ती.