या कार्यक्रमाची एक क्लिप सोशल मीडियावर व्हायरल होत आहे. शो मधली स्पर्धक कुब्रा सैतने धनश्रीला नात्याबद्दल प्रश्न विचारला. हे लग्न फार काळ टिकणार नाही? असं तुला कधी वाटलं, असा प्रश्न कुब्राने धनश्रीला विचारला. त्यावर लग्नाच्या पहिल्याच वर्षी, तो मला धोका देत असल्याचं मी दोन महिन्यांमध्येच पकडलं, असं धनश्री कुब्राला म्हणाली.
advertisement
60 कोटी घेतले नाहीत
याआधीही धनश्रीने या कार्यक्रमात आपण घटस्फोटसाठी 60 कोटींची पोटगी घेतली नसल्याचा दावा केला होता. हे अत्यंत चुकीचं आहे, आमचा घटस्फोट हा परस्पर सहमतीने झाला. मी कोणत्याही प्रकारची पोटगी घेतलेली नाही. लोक अफवा पसरवतात, पण मी कायमच चहलचा सन्मान ठेवला, असं वक्तव्य धनश्रीने केलं आहे.
धनश्री वर्मा आणि युझवेंद्र चहलची भेट 2020 साली ऑनलाईन डान्स क्लासच्या वेळी झाली होती. यानंतर दोघांमध्ये मैत्री झाली आणि मग त्यांनी ऑगस्ट 2020 साली साखरपुडा आणि डिसेंबर 2020 ला लग्न केलं, पण मार्च 2025 मध्ये दोघंही अधिकृतपणे वेगळे झाले. माध्यमांमध्ये आलेल्या वृत्तानुसार चहलने धनश्रीला घटस्फोटासाठी 4.75 कोटी रुपये पोटगी म्हणून दिली.