TRENDING:
मोहम्मद सय्यमने काढली वैभवची विकेट
वैभव सूर्यवंशीकडून आजच्या मोठ्या सामन्यात अपेक्षा होती. पण तो या प्रेशर मॅचमध्ये तो टिकू शकला नाही. पाकिस्तानच्या डोळे दाखवणाऱ्या बॉलरने म्हणजेच मोहम्मद सय्यमने वैभवची विकेट काढली अन् मागील मॅचचा बदला घेतला. वैभवने मागील काही सामन्यात त्याला फटकवलं होतं. मात्र, याच बॅटरविरुद्ध वैभव सातत्याने आऊट होताना दिसतोय. पाकिस्तानविरुद्धच्या हाय-प्रेशर मॅचेसमध्ये तो सातत्याने फ्लॉप होत असल्याने आता त्याच्या मानसिकतेवर प्रश्नचिन्ह उपस्थित केले जात आहे. मोठ्या मैदानावर आणि तणावाच्या स्थितीत टिकून राहण्यामध्ये तो कमी पडत असल्याचे या कामगिरीवरून स्पष्टपणे दिसून येत आहे.
advertisement
भारतीय टीम बॅकफूटवर
वैभवची स्वस्तात झालेली एक्झिट आणि कॅप्टन आयुष म्हात्रे याला भोपळाही फोडता न आल्यामुळे टीम इंडियाची सुरुवात अत्यंत खराब झाली. सुरुवातीलाच दोन महत्त्वाचे फलंदाज बाद झाल्यामुळे भारतीय टीम बॅकफूटवर गेली. या महत्त्वाच्या लढतीत टॉप ऑर्डर कोसळल्याने मिडिल ऑर्डरवर मोठा दबाव निर्माण झाला असून, पाकिस्तानच्या बॉलर्सनी याचा पुरेपूर फायदा उठवत भारताला अडचणीत आणले.
पाकिस्तानविरुद्ध वारंवार अपयश
दरम्यान, युवा खेळाडूंच्या बाबतीत संयम राखणे ही चांगली गोष्ट असली, तरी पाकिस्तानविरुद्ध वारंवार होणारे अपयश चिंतेचा विषय ठरत आहे. वैभव सूर्यवंशी सारख्या टॅलेंटेड खेळाडूने पाकिस्तानविरुद्धच्या महत्त्वाच्या सामन्यात आपली विकेट फेकल्याने चाहत्यांमध्ये नाराजी आहे. सातत्याने अपयश येत असेल, तर मॅनेजमेंटला त्याच्या जागेबाबत किंवा बॅटिंग पोझिशनबाबत विचार करावा लागेल असे चित्र सध्या दिसत आहे.
अंडर-19 टीम इंडिया - आरोन जॉर्ज, वैभव सूर्यवंशी, आयुष म्हात्रे (कॅप्टन), वेदांत त्रिवेदी, विहान मल्होत्रा, अभिज्ञान कुंडू (विकेटकीपर), कनिष्क चौहान, आरएस अंबरीश, खिलान पटेल, हेनिल पटेल, उधव मोहन, हरवंश पंगालिया, मोहम्मद एनान, दीपेश देवेंद्रन आणि किशन कुमार सिंह.
अंडर-19 पाकिस्तान टीम - हमजा जहूर (विकेटकीपर), समीर मिन्हास, उस्मान खान, फरहान यूसुफ (कॅप्टन), अहमद हुसैन, हुजैफा अहसन, मोहम्मद शायान, अब्दुल सुभान, मोमिन कमर, मोहम्मद सय्याम, अली रजा, उमर जैब, अली हसन बलूच, डेनियल अली खान आणि नकाब शफीक.