Asian Games : भारताने पाकिस्तानला नमवले, स्क्वॅशमध्ये 9 वर्षांनी सुवर्णपदकाला गवसणी

अंतिम सामन्यात भारतीय संघाने पाकिस्तानला २-१ ने हरवत सुवर्णपदक पटकावले. अंतिम सामन्यात दोन्ही संघात तुल्यबळ लढत झाली. सामन्यातला पहिला गेम पाकिस्तानने जिंकला. मात्र त्यानंतर भारताने कमालीचा खेळ करत पुढचे दोन्ही गेम जिंकून सामन्यात विजय मिळवला.

दुसऱ्या गेममध्ये भारताने पुनरागमन करत बरोबरी साधली. तर तिसऱ्या गेममध्ये रोमहर्षक खेळ बघायला मिळाला. पण यामध्ये भारताने बाजी मारली. फायनलमधील तिसऱ्या गेममध्ये अभिय सिंहने कौतुकास्पद कामगिरी केली. त्याने पाकिस्तानच्या जमान नूरला हरवत सुवर्णपदक जिंकण्यात महत्त्वाची भूमिका बजावली.

अभय सिंहच्या आधी दुसऱ्या गेममध्ये सौरव घोषालने मुहम्मद आसिम खानला हरवत बरोबरी साधली. त्याआधी पाकिस्तान आघाडीवर होते. पहिल्या गेममध्ये पाकिस्तानच्या नासिर इकबालने भारताच्या महेश मनगांवरला हरवलं होतं.