Asian Games : एशियन गेम्समध्ये भारताचा सुवर्णपदकावर निशाणा, चीनचा विश्वविक्रमही मोडला

शूटिंगशिवाय रोइंगमध्येही आज भारताने एक पदक पटकावलं. रोइंगच्या मेन्स कॉक्सलेस फोर स्पर्धेत जसविंदर सिंह, आशिष, पुनीत कुमार आणि भीम सिंह यांनी कांस्य पदक पटकावलं. भारताने आतापर्यंत सात पदके जिंकली असून यात रोइंगमध्ये चार तर शूटिंगमध्ये तीन पदके मिळाली आहेत.

रोइंगमध्ये भारताचा बलराज पवारचं मेडल थोडक्यात हुकलं. पुरुष एकेरीत स्कल्स फायनलमध्ये बलराज चौथ्या क्रमांकावर राहिला. चीनने या क्रीडा प्रकारात सुवर्ण, जपानने रौप्य आणि हाँगकाँगने कांस्य पदक पटकावलं.

चीनच्या हांगझोऊ इथं एशियन गेम्स स्पर्धा सुरू असून सोमवारी स्पर्धेचा दुसरा दिवस आहे. पहिल्या दिवशी भारताने पाच पदके पटकावली आहेत. आज दोन पदके पटकावली असून क्रिकेटमध्ये भारताच्या महिला संघाला सुवर्ण पदक जिंकण्याची संधी आहे.