मुंबईच्या आव्हानाचा पाठलाग करताना गुजरातची सुरूवात खराब झाली. इनिंगच्या पहिल्याच ओव्हरच्या चौथ्या बॉलला गुजरातचा कर्णधार शुबमन गिल आऊट झाला. ट्रेन्ट बोल्टने गिलला एलबीडब्ल्यू केलं, यानंतर कुसाल मेंडिस हिट विकेट आऊट झाला, पण त्यानंतर साई सुदर्शन आणि वॉशिंग्टन सुंदरने मुंबईच्या बॉलिंगवर आक्रमण केलं. साई सुदर्शनने 49 बॉलमध्ये 80 आणि वॉशिंग्टन सुंदरने 24 बॉलमध्ये 48 रनची खेळी केली.
advertisement
एका बॉलने फिरली मॅच
वॉशिंग्टन सुंदर आणि साई सुदर्शन गुजरातला जिंकवून देणार असं वाटत असतानाच मुंबईचा कर्णधार हार्दिक पांड्याने जसप्रीत बुमराहच्या हातात बॉल दिला, त्यानंतर बुमराहने यॉर्कर बॉलवर सुंदरला बोल्ड केलं आणि मुंबईने सामन्यात कमबॅक केलं. यानंतर 2 ओव्हरनी साई सुदर्शनही बोल्ड झाला. मुंबईकडून आपली पहिलीच मॅच खेळणाऱ्या ग्लिसनने साई सुदर्शनला बोल्ड केलं.
मुंबईकडून ट्रेन्ट बोल्टला 2 विकेट मिळाल्या तर जसप्रीत बुमराह, रिचर्ड ग्लीसन, मिचेल सॅन्टनर आणि अश्वनी कुमार यांना 1-1 विकेट मिळाली.