TRENDING:
मिचेल स्टार्क हा 20 कोटींची बोली लागलेला आयपीएल इतिहासातला पहिला खेळाडू होता, जेव्हा 2023 मध्ये केकेआरने त्याला 24.75 कोटी रुपयांना विकत घेतलं होतं. याच्या काही मिनिटांमध्येच हैदराबादने पॅट कमिन्ससाठी 20.5 कोटी रुपयांची बोली लावली. 2023 च्या मिनी ऑक्शनमध्ये पंजाबने सॅम करनला 18.5 कोटी रुपये दिले.
आयपीएल 2023 च्या लिलावात मुंबई इंडियन्सने कॅमरून ग्रीनला 17.5 कोटी रुपयांना खरेदी केले होते, पण एका वर्षामध्येच मुंबईने ग्रीनला आरसीबीला ट्रेड केलं. ग्रीनने 2023 आणि 2024 च्या हंगामात 153.70 च्या स्ट्राईक रेटने 707 रन केल्या आहेत. आयपीएलच्या यंदाच्या लिलावात ग्रीनने त्याची बेस प्राईज 2 कोटी रुपये ठेवली आहे, पण टीमनी त्याच्यावर कितीही बोली लावली तरी त्याला 18 कोटी रुपयांपेक्षा जास्त पैसे मिळणार नाहीत.
advertisement
आयपीएलने मिनी ऑक्शनसाठी कमाल शुल्काचा नियम लावला आहे. अनेकवेळा परदेशी खेळाडू हे मेगा ऑक्शनमध्ये स्वत:चं नाव न नोंदवता थेट मिनी ऑक्शनमध्ये सहभागी होतात. मेगा ऑक्शनपेक्षा मिनी ऑक्शनमध्ये खेळाडूंना जास्त पैसे मिळतात, त्यामुळे आयपीएलने मॅक्सिमम प्राईज कॅपचा नियम लावला आहे. म्हणजेच आयपीएलच्या यंदाच्या लिलावात ग्रीनवर 30 कोटी रुपयांची बोली लागली तरी त्याला फक्त 18 कोटी रुपये मिळणार आहेत, तर उरलेले 12 कोटी रुपये हे भारतीय खेळाडूंच्या कल्याणासाठी वापरले जातील, असं बीसीसीआयने स्पष्ट केलं आहे. हा नियम फक्त परदेशी खेळाडूंसाठीच लावण्यात आला आहे. भारतीय खेळाडूंना मात्र लिलावात लागलेल्या बोलीची रक्कम दिली जाईल.
आयपीएलच्या यंदाच्या लिलावात एकूण 77 जागा उपलब्ध आहेत, ज्यापैकी 31 परदेशी खेळाडूंसाठी आहेत. 5 डिसेंबरपर्यंत टीमनी विकत घ्यायची इच्छा असलेल्या खेळाडूंची यादी जाहीर केल्यानंतर 16 कॅप्ड भारचीय खेळाडूंची यादी कमी केली जाईल.