TRENDING:
विजय शंकर हा भारताकडून मार्च 2018 ते जून 2019 च्या दरम्यान 12 वनडे आणि 9 टी-20 आंतरराष्ट्रीय मॅच खेळला, ज्यात इंग्लंडमध्ये झालेल्या वनडे वर्ल्ड कपचाही समावेश आहे. तरीही विजय शंकर अनकॅप्ड भारतीय खेळाडू कसा झाला? असा प्रश्न अनेकांना पडला, पण आयपीएलने मागच्या वर्षी केलेल्या एका नियमामुळे विजय शंकरला अनकॅप्ड खेळाडू म्हणून नोंद करण्यात आली आहे. आयपीएल लिलावाच्या 5 वर्ष आधी भारतीय खेळाडू आंतरराष्ट्रीय मॅच खेळला नसेल, तसंच त्याचं बीसीसीआयसोबत सेंट्रल कॉन्ट्रॅक्ट नसेल, तर त्याची नोंद अनकॅप्ड खेळाडू म्हणून होते.
advertisement
34 वर्षांच्या विजय शंकरने भारताकडून शेवटचा आंतरराष्ट्रीय सामना जून 2019 मध्ये खेळला होता, त्यामुळे तो लिलावात अनकॅप्ड खेळाडू म्हणून उतरेल. विजय शंकरच्या आधी एमएस धोनी आणि संदीप शर्मा यांनी या नियमाचा लाभ घेतला होता. विजय शंकर मागच्या मोसमात चेन्नई सुपरकिंग्सकडून खेळला होता. सीएसकेने त्याला 1.2 कोटी रुपयांमध्ये विकत घेतलं. 5 सामन्यांमध्ये त्याने 129.67 च्या स्ट्राईक रेटने 118 रन केले. या कामगिरीनंतर त्याला सीएसकेने रिलीज केलं आहे. आयपीएलच्या मागच्या मोसमात चेन्नई पॉईंट्स टेबलमध्ये सगळ्यात शेवटच्या क्रमांकावर होती.
विजय शंकर त्याच्या आयपीएल करिअरमध्ये दिल्ली, हैदराबाद, गुजरात आणि सीएसकेसह चार वेगवेगळ्या टीमकडून खेळला आहे. त्याने 129.78 च्या स्ट्राईक रेटने 1233 रन केले आहेत, ज्यात 7 अर्धशतकांचा समावेश आहे, याशिवाय त्याने 9 विकेटही घेतल्या आहेत.