KL Rahul : 'गरज पडली तर सिनियर्सला...', कॅप्टन राहुलने मान्य केली चूक; साऊथ अफ्रिकेविरुद्धच्या ODI सिरीजपूर्वी मोठं वक्तव्य

आम्ही मान्य करतो की... - केएल राहुल

या गंभीर विषयावर बोलताना त्याने सांगितले की, मी तुम्हाला नक्की काही सांगू शकत नाही. मला फक्त एवढंच म्हणायचं आहे की, आम्ही स्पिनर्सना व्यवस्थित खेळू शकत नाही आहोत. ही आमच्या गेमचा एक भाग आहे आणि आम्ही फिरकी गोलंदाजीविरुद्ध चांगला खेळ करत नाही आहोत, हे आम्ही मान्य करतो, असं केएल राहुल म्हणाला.

advertisement

सुनील गावस्करांचा सल्ला घेणार - केएल राहुल

केएल राहुलने महान क्रिकेटपटू सुनील गावस्कर सरांचा उल्लेख करत सांगितलं की, त्यांच्याशी या संदर्भात बोलून नेमकं काय सुधारणा करायचे आहेत, हे समजून घेतले जाईल. संघ आधीपासूनच सुधारणा करण्याचे मार्ग शोधत आहे, पण हे रातोरात होणार नाही, असं केएल राहुल याने म्हटलं आहे.

सिनियर्स खेळाडूंकडून शिकून घेऊ - केएल राहुल

दरम्यान, पुढे बोलताना केएल राहुल म्हणाला की, स्पिनच्या जाळ्यातून बाहेर पडण्यासाठी तांत्रिक बदल काय करायचे, याचे उत्तर प्रत्येक खेळाडू वैयक्तिक पातळीवर शोधत आहे आणि सुधारणा करण्याचा प्रयत्न करत आहे. आम्ही आधी स्पिन खूप चांगल्या पद्धतीने खेळायचो. त्यामुळे, आम्ही सिनियर्स खेळाडूंकडून आणि अशा लोकांशी संपर्क साधून शिकण्याचा प्रयत्न करणार आहोत, जे या समस्यांवर मात करण्यास मदत करतील, असंही केएल राहुल यावेळी म्हणाला.