TRENDING:
लॉर्ड्सच्या राणीसारखी वागणूक का?
"मरियम नवाज यांना लॉर्ड्सच्या राणीसारखी वागणूक का दिली जात आहे?" असा मजकूर त्या पोस्टमध्ये होता. ही पोस्ट व्हायरल झाल्यानंतर पाकिस्तानमध्ये मोठा राजकीय गदारोळ निर्माण झाला. त्यानंतर ही पोस्ट डिलिट देखील करण्यात आली होती. अशातच आता पाकिस्तान क्रिकेट बोर्डाने नसीम शहावर कडक अॅक्शन घेतली आहे.
advertisement
अधिकृत नोटीस पाठवून उत्तर मागितलं
यावर नसीम शाहने तातडीने स्पष्टीकरण देताना सांगितले की, त्याचे सोशल मीडिया अकाउंट हॅक झाले होते आणि ती पोस्ट त्याने केलेली नव्हती. मात्र, पीसीबीने या प्रकरणाची गंभीर दखल घेतली असून, नसीम शाहच्या स्पष्टीकरणावर समाधान न मानता त्याला अधिकृत नोटीस पाठवून उत्तर मागितले आहे.
प्रकरणाची सखोल समीक्षा केली जाईल - पीसीबी
पीसीबीने आपल्या अधिकृत स्टेटमेंटमध्ये म्हटलं आहे की, नसीम शाहला ठराविक मुदतीत या नोटिशीला उत्तर द्यावं लागेल. बोर्डाने स्पष्ट केलं की, खेळाडूंनी प्रोफेशनल स्टॅडर्ड्स, करारातील अटी आणि खेळाची प्रतिष्ठा राखणं बंधनकारक आहे. बोर्डाने नेमक्या कोणत्या कलमाचे उल्लंघन झालं हे सांगितले नसलं तरी, नसीमच्या उत्तरानंतर या प्रकरणाची सखोल समीक्षा केली जाईल, असं पहायला मिळतंय.
अंतिम शिस्तभंगाची कारवाई
पाकिस्तानचे माजी पंतप्रधान नवाब शरीफ यांची कन्या आणि विद्यमान पंतप्रधान शाहबाज शरीफ यांची भाची नवाज, अनेक गाड्यांचा समावेश असलेल्या सुरक्षा ताफ्यासह कार्यक्रमस्थळी दाखल होताना दिसल्या. त्यानंतर नसीम शाहच्या पोस्टनंतर मोठा राडा झाल्याचं पहायला मिळालं. नसीमने प्रतिसाद दिल्यानंतर अंतिम शिस्तभंगाची कारवाई निश्चित केली जाईल, असं पीसीबीने म्हटलं आहे.