'...त्याची आम्हाला लाज वाटत नाही', टीम इंडियाच्या लाजिरवाण्या पराभवानंतर ऋषभ पंतच ट्विट व्हायरल, का मागितली माफी?

आम्ही खरोखरच चांगले खेळलो नाही

दक्षिण आफ्रिकेविरुद्धच्या दोन सामन्यांच्या कसोटी मालिकेत क्लीन स्वीप केल्यानंतर, ऋषभ पंतने सोशल मीडिया प्लॅटफॉर्म X वर पोस्ट करत लिहिले की, "या कसोटी मालिकेत आपण अजिबात चांगले खेळलो नाही हे मान्य करण्यात काहीच लाज नाही. एक संघ म्हणून आणि खेळाडू म्हणून, आपण सर्वजण या पातळीवर कामगिरी करण्याचा प्रयत्न करतो जेणेकरून सर्व चाहत्यांना आनंद होईल. तुमच्या अपेक्षा पूर्ण न केल्याबद्दल आम्ही दिलगीर आहोत, परंतु खेळ आपल्याला सतत शिकण्यास आणि पुढे जाण्यास शिकवतो. भारतीय संघासाठी खेळणे हे आम्हा सर्वांसाठी नेहमीच एक मोठा सन्मान आहे. या संघात किती क्षमता आहे हे आपल्या सर्वांना माहिती आहे आणि आम्ही कठोर परिश्रम करू आणि मजबूत पुनरागमन करण्यासाठी प्रयत्न करू. तुमच्या सततच्या पाठिंब्याबद्दल आणि प्रेमाबद्दल सर्वांचे आभार. जय हिंद."

advertisement

आता सर्वांचे लक्ष एकदिवसीय मालिकेतील टीम इंडियाच्या कामगिरीकडे आहे

भारतीय संघाचा 25 वर्षांत पहिल्यांदाच दक्षिण आफ्रिकेविरुद्ध घरच्या मैदानावर कसोटी मालिकेत क्लीन स्वीप झाला आहे. आता सर्वांचे लक्ष 30 नोव्हेंबरपासून सुरू होणाऱ्या तीन सामन्यांच्या एकदिवसीय मालिकेवर आहे, जिथे टीम इंडियाकडून चांगली कामगिरी अपेक्षित आहे. या मालिकेत केएल राहुल टीम इंडियाचे नेतृत्व करताना दिसेल, तर ऋषभ पंतही संघात परतला आहे. त्यामुळे त्याला प्लेइंग इलेव्हनमध्ये खेळण्याची संधी मिळेल का याकडे सर्वांचे लक्ष असेल.