धवनने आंतरराष्ट्रीय क्रिकेट आणि देशांतर्गत क्रिकेटमधून निवृत्ती घेण्याचा निर्णय घेतल्याचं सोशल मीडियावरुन जाहीर केलं. शिखर धवनने सोशल मीडियावर एक व्हिडिओ पोस्ट करुन हा मेसेज चाहत्यांपर्यंत दिला आहे.
''मी माझ्या क्रिकेटचा हा अध्याय इथेच थांबवण्याचा निर्णय घेतला आहे. मी माझ्यासोबत अनेक आठवणी सोबत घेऊन जात आहे. तुमच्या प्रेमासाठी आणि मी घेतलेल्या निर्णयावर मला पाठिंबा दिल्याबद्दल मी तुमचे आभार मानतो असं त्याने व्हिडीओमध्ये म्हटलं आहे.''
advertisement
धवनने भारतासाठी 167 वनडे सामने, 68 टी-20 आणि 34 कसोटी सामने खेळले आहेत. त्याच्या नावावर कसोटीत 7 शतकांसह 2315 धावा आहेत तर वनडे सामन्यात त्याने 17 शतकांच्या मदतीने 6782 धावा केल्याची नोंद आहे. T20 मध्ये धवनने 11 अर्धशतकांसह 1759 धावा केल्या आहेत. धवनने 10 डिसेंबर 2022 रोजी बांगलादेशविरुद्ध शेवटचा आंतरराष्ट्रीय सामना खेळला होता.