TRENDING:
सुनील गावस्कर भावुक
मला हा अवॉर्ड देताना गर्व वाटत आहे, असं पहिलंच वाक्य म्हणताना सुनील गावस्कर भावुक झाले. त्यावेळी त्यांचा कंठ दाटून आला. त्याचे डोळे भरून आले होते. मी इथं नारी कॉन्ट्रॅक्टरला लाईफटाईम अचिवमेंट अवॉर्ड देतोय. त्यामुळे मी थोडा इमोशनल होतो, मला माहिती आहे. आम्ही यांच्याकडून खूप काही शिकलो. ओपनिंग बॅटिंग करायला धाडस लागतं, असं गावस्कर म्हणाले अन् त्यांनी नारी कॉन्ट्रॅक्टर यांचा किस्सा सांगितला.
advertisement
1959 च्या लॉर्ट्स टेस्ट मॅचमध्ये....
मला आठवतंय की, मी टेस्ट मॅचची कॉमेन्ट्री ऐकत होतो. 1959 मध्ये लॉर्ट्स टेस्ट मॅचमध्ये इनिंगच्या सुरूवातीलाच नारी कॉन्ट्रॅक्टरच्या छातीवर बॉल बसला अन् त्यांच्या बरगड्या मोडल्या. तरी देखील यांनी पराभव मानला नाही किंवा मैदानातून पळ काढला नाही. तब्बल तीन तास यांनी बॅटिंग केली आणि 81 धावा स्कोरबोर्डवर लावल्या. त्यावेळी आमच्यासारख्या गल्ली क्रिकेट खेळणाऱ्या खेळाडूंसाठी हा मोटिवेशनल गोष्ट होती, असंही गावस्कर यावेळी म्हणाले.
तुम्हाला देशासाठी खेळायचं असेल तर...
दरम्यान, त्यावेळी मला एक गोष्ट कळाली, जर तुम्हाला तुमच्या देशासाठी खेळायचं असेल तर तुम्हाला तुमच्या जिवावर खेळून देशासाठी बॅटिंग करावी लागेल. मला आठवतंय नारी यांच्या डोक्याला देखील बॉल लागला होता, तरी देखील त्यांनी कमबॅक केलं. त्यावेळी असा काळ होता, जेव्हा हेलमेट्स नव्हते. तरी देखील यांनी फर्स्ट क्लास क्रिकेटमध्ये शतक ठोकलं होतं, असं सुनील गावस्कर यांनी सांगितलं.