TRENDING:
'हेरा फेरी' चित्रपटातील'बाबू भैया' चा डायलॉग
टीम इंडियातील वादाचे व्हिडिओ सोशल मीडियावर व्हायरल झाल्यानंतर चाहत्यांमध्ये चिंतेचे वातावरण होते. मात्र, टीम इंडियाचा कॅप्टन सूर्यकुमार यादव याने या वादावर आपल्या खास शैलीत पडदा टाकण्याचा प्रयत्न केला असून कुलदीपची समजूत काढली आहे. सूर्याने आपल्या अधिकृत सोशल मीडिया हँडलवर एक मजेशीर व्हिडिओ शेअर करून वातावरण हलके केले आहे. या व्हिडिओमध्ये सूर्या आणि कुलदीप एकमेकांशी हस्तांदोलन करताना दिसत आहेत. विशेष म्हणजे, या व्हिडिओच्या बॅकग्राउंडला 'हेरा फेरी' चित्रपटातील प्रसिद्ध 'बाबू भैया' या पात्राचा डायलॉग वाजत आहे, ज्यामुळे चाहत्यांना हसू आवरत नाहीये.
advertisement
नेमकं काय झालं होतं?
मॅच संपवण्यासाठी सूर्यकुमार यादवने आपला स्टार ऑलराऊंडर हार्दिक पांड्या याच्यावर पुन्हा विश्वास दर्शवला. हार्दिक पांड्याला 18 वी ओव्हर देण्यात आली होती. हार्दिक पंड्या या ओव्हरमध्ये शाहीन आफ्रिदीला बॉलिंग करत होता. ओव्हरच्या दुसऱ्या बॉलवर आफ्रिदीने एक हवेत शॉट मारला, जो सरळ कुलदीप यादवच्या दिशेने गेला. कुलदीपने तो सोपा कॅच पकडण्याचा प्रयत्न केला, मात्र त्याच्या हातातून बॉल निसटला आणि थेट बाउंड्रीच्या बाहेर जाऊन पडला. पाकिस्तानला यामुळे सहा रन्स मिळाले अन् हार्दिक भडकला.
ओव्हरच्या दुसऱ्या बॉलनंतर हार्दिकने कुलदीपला यावेळी काहीच बोललं नाही. हार्दिक सूर्यकुमारवर भडकला. कुलदीपला थर्ड मॅनला ठेव, असं हार्दिकने सूर्याला सांगितलं. त्यानंतर सूर्याने त्याला शांत करण्याचा प्रयत्न केला. मात्र, हार्दिकने ओव्हरच्या शेवटच्या बॉलवर 11 वा खेळाडू असणाऱ्या उस्मान तारिकचा बोल्ड काढला अन् टीम इंडियाने मॅच जिंकली. मात्र, इथंच राडा सुरू झाला.
हँडशेक करण्यासाठी टीम इंडिया जमली असताना हार्दिक पांड्याने कुलदीप यादवला धारेधर धरलं अन् कॅच सोडण्यावरून त्याला झाप झाप झापलं. त्यावेळी कुलदीप काहीसा नरमलेला दिसत होता. तर रिंकु सिंगने मध्यस्थी करून प्रकरण मिटवण्याचा प्रयत्न केला. तर पुढे कॅप्टन सूर्यासोबत हँडशेक करताना देखील सूर्याने कुलदीप यादवकडे रागाने पाहून त्याचा समाचार घेतला. त्यामुळे टीम इंडियाच्या डगआऊटमध्ये काहीचं चिंतेचं वातावरण होतं. याचा व्हिडीओ सोशल मीडियावर तुफान व्हायरल होत आहे.