TRENDING:
पाकिस्तानने दिलेल्या आव्हानाचा पाठलाग करण्यासाठी आलेल्या इंग्लंडला पहिल्याच बॉलला धक्का बसला. फिल सॉल्ट शाहिन आफ्रिदीच्या बॉलिंगवर शून्य रनवर आऊट झाला. यानंतर पुढच्याच ओव्हरला शाहिनने जॉस बटलरला 2 रनवर पॅव्हेलियनमध्ये पाठवलं. तिसऱ्या ओव्हरमध्ये आफ्रिदीनेच जेकब बेथलचीही विकेट घेतली, त्यामुळे इंग्लंडची अवस्था 35/3 झाली. यानंतर उस्मान तारीकने त्याच्या पहिल्याच ओव्हरला टॉम बॅन्टनला आऊट केलं, यानंतर इंग्लंडचा स्कोअर 58/4 होता.
advertisement
एका बाजूने विकट जात असतानाही इंग्लंडचा कर्णधार हॅरी ब्रुकने एकट्याने किल्ला लढवत झुंजार शतक ठोकलं. ब्रुकने 51 बॉलमध्ये 196.08 च्या स्ट्राईक रेटने 10 फोर आणि 4 सिक्सच्या मदतीने 100 रनची खेळी केली. विल जॅक्सने 28 आणि सॅम करनने 16 रन करून हॅरी ब्रुकला साथ दिली. या सामन्यात इंग्लंडने फार फोर आणि सिक्स मारल्या नसल्या तरी त्यांनी दोन-दोन रन करून स्कोअरबोर्ड हलता ठेवला.
विकेट जात असतानाही इंग्लंडने पाकिस्तानच्या संथ फिल्डिंगचा आणि पल्लेकेलेच्या मोठ्या मैदानाचा फायदा घेतला. इंग्लंडने इनिंगमध्ये 14 वेळा 2-2 रन काढल्या, ज्यामुळे कोणताही धोका न पत्करता इंग्लंडच्या खात्यात 28 रन आल्या. या महत्त्वाच्या 28 रनमुळे इंग्लंडचा रिक्वायर रन रेट हा कधीच हाताच्या बाहेर गेला नाही आणि त्यांनी अडचणीत असतानाही 5 बॉल राखून सामना जिंकला.