T20 World Cup : 2 पॉईंट्समुळे बदललं वर्ल्ड कपचं समीकरण, भारताच्या 'नॉक आऊट'च्या 3 टीम ठरल्या, कुणाला कधी भिडणार?

टीम इंडियाचे सुपर-8 चे सामने

टी-20 वर्ल्ड कप हा प्री-सीडिंग पद्धतीने खेळवला जाणार आहे. यात प्रत्येक टीमला X आणि Y मध्ये विभाजित करण्यात आलं आहे. चाहत्यांना त्यांच्या आवडत्या टीमच्या मॅचची तिकीटं तसंच इतर बुकिंग करण्यासाठी आयसीसीने प्री सीडिंग पद्धत अवलंबली आहे. या प्री सीडिंग पद्धतीमध्ये भारताला X1 नंबर देण्यात आला आहे, तर ऑस्ट्रेलिया X2, वेस्ट इंडिज X3, दक्षिण आफ्रिका X4 असतील. याशिवाय इंग्लंड Y1, न्यूझीलंड Y2, पाकिस्तान Y3 आणि श्रीलंका Y4 असणार आहेत.

advertisement

प्री सीडिंग पद्धतीनेमध्ये जर या 8 टीम व्यतिरिक्त दुसरी टीम सुपर-8 मध्ये क्वालिफाय झाली तर त्या टीमला क्वालिफाय न झालेल्या टीमचा सीड नंबर देण्यात येईल. पण सध्या तरी याच टीम सुपर-8 साठी क्वालिफाय व्हायची शक्यता सर्वाधिक आहे. सुपर-8 मध्ये क्वालिफाय झालेल्या टीमना 4-4 टीमच्या 2 ग्रुपमध्ये विभाजित करण्यात येईल. या परिस्थितीमध्ये टीम इंडियाच्या ग्रुपमध्ये दक्षिण आफ्रिका, ऑस्ट्रेलिया आणि वेस्ट इंडिज या टीम असतील. सेमी फायनलमध्ये प्रवेश मिळवण्यासाठी भारताला या 3 पैकी कमीत कमी 2 सामने तरी जिंकावे लागणार आहेत.

भारताच्या सुपर-8 च्या मॅच

भारत विरुद्ध दक्षिण आफ्रिका- 22 फेब्रुवारी 2026, अहमदाबाद

भारत विरुद्ध ऑस्ट्रेलिया- 26 फेब्रुवारी 2026, चेन्नई

भारत विरुद्ध वेस्ट इंडिज- 1 मार्च 2026, कोलकाता

सेमी फायनल 1- 4 मार्च 2026, कोलकाता/कोलंबो

सेमी फायनल 2- 5 मार्च 2026, मुंबई

फायनल- 8 मार्च 2026, अहमदाबाद