शिखर धवनची मुलाखत ही ब्रुटने घेतली आहे. या संदर्भातला एक व्हिडिओ समोर आला आहे. या
मुलाखतीत धवनने घटस्फोटानंतर तो आपल्या मुलापासुन कसा दुर झाला? हे त्याने सांगितले आहे. माझा मुलगा आता 11 वर्षांचा आहे.पण मी त्याला फक्त अडीच वर्षे पाहिले.त्याला भेटून दोन वर्षे झाली आहेत आणि त्याच्याशी बोलून एक वर्ष झालं आहे. दरम्यानच्या काळात मला सगळीकडून ब्लॉक करण्यात आलं होतं. तो काळ खूप कठीण होता.पण नंतर या सर्व गोष्टींसोबत जगण्याची सवय लावावी लागली असे धवन मुलाखतीत सांगतो.
advertisement
घटस्फोटानंतर धवन बराच काळ अस्वस्थ होता. तो आतून प्रचंड तुटला होता. धवन पुढे म्हणतो,मी त्याच्याशी आध्यात्मिकरित्या बोलतो.मी जेव्हा माझ्या मुलाशी रोज बोलतो तेव्हा मला हेच जाणवते,मी त्याला मिठी मारतोय.मी माझी ऊर्जा आध्यात्मिकरित्या त्याच्याकडे हस्तांतरित करतो.
दरम्यान धवनने ऑक्टोबर 2012 मध्ये आयेशा मुखर्जीशी लग्न केले. आयेशाचे हे दुसरे लग्न होते. त्याच्या पहिल्या लग्नापासून त्याला एक मुलगी होती.धवनने मुलीला दत्तक घेतले होते.पण त्यांचे नाते फार काळ टिकले नाही. आयशा धवनपेक्षा सुमारे १० वर्षांनी मोठी आहे. मीडिया रिपोर्ट्सनुसार, धवन आणि आयशा 2020 पासून वेगळे राहत होते. यानंतर दोघांचा घटस्फोट झाला. धवनला एक मुलगाही आहे. त्याचे नाव जोरावर आहे आणि तो आयशासोबत राहतो.