TRENDING:
कुलदीप यादवचं लग्न टेकड्यांची राणी म्हणून ओळखल्या जाणाऱ्या उत्तराखंडच्या मसूरीमध्ये होणार आहे. या प्रतिष्ठित लग्न सोहळ्यासाठी मसूरीमधील प्रसिद्ध सवाई हॉटेल पूर्णपणे बूक करण्यात आलं आहे.
कुलदीप यादव आणि वंशिकाचं लग्न 13 आणि 14 मार्चला हिंदू रिती रिवाज आणि परंपरेनुसार होणार आहे. 13 मार्चला लग्नाचे विधी सुरू होतील, ज्यात हळद, मंगल स्नान असे पारंपारिक विधी पार पडतील, तर मुख्य लग्न समारंभ 14 मार्च रोजी होईल.
advertisement
मसूरीतील लग्नानंतर, 17 मार्च रोजी लखनऊमध्ये एक भव्य स्वागत समारंभ आयोजित केला जाईल, ज्यामध्ये अनेक खास पाहुणे उपस्थित राहण्याची अपेक्षा आहे.
हॉटेल आणि पाहुण्यांसाठी खास व्यवस्था
या शाही लग्नासाठी सवाई हॉटेलमध्ये सुमारे 80 खोल्या बुक करण्यात आल्या आहेत. जेडब्ल्यू मॅरियट मसूरी आणि फॉर्च्यून हॉटेलमध्ये पाहुण्यांच्या राहण्याची व्यवस्था देखील करण्यात आली आहे.
हॉटेलचा परिसर एका भव्य मंडप, संगीत समारंभ आणि इतर कार्यक्रमांसाठी खास सजवण्यात आला आहे. हा कार्यक्रम संस्मरणीय बनवण्यासाठी संपूर्ण व्यवस्था भव्य आणि पारंपारिक शैलीत डिझाइन करण्यात आली आहे. लग्नात सुमारे 200 विशेष पाहुणे उपस्थित राहण्याची अपेक्षा आहे, ज्यात अनेक प्रमुख क्रिकेटपटू, उद्योगपती आणि चित्रपट क्षेत्रातील व्यक्तींचा समावेश आहे.
हे लग्न उत्तराखंडमध्ये होत असल्याने, पाहुण्यांच्या मेनूमध्ये पहाडी पदार्थांना प्रमुख स्थान देण्यात आले आहे. वृत्तानुसार, जेवणाच्या एका प्लेटची किंमत 6 हजार रुपयांपेक्षा जास्त असण्याची अपेक्षा आहे.
मेनूमध्ये मदुवा रोटी, लाल तांदूळ, घाटी दाल, फाणू, चान्सू, कंदली साग, कुमाऊनी रायता, भांग चटणी आणि जांगोर खीर यासारख्या पारंपारिक पहाडी पदार्थांचा समावेश असेल. इडली-डोसा, छोले-भटुरे आणि पोहे यासारखे लोकप्रिय नाश्त्याचे पदार्थ देखील दिले जातील.
लग्नातील पाहुण्यांना देहरादूनमधील जॉली ग्रँट विमानतळावरून मसूरीला नेण्यासाठी विशेष व्यवस्था करण्यात आली आहे. कुलदीप गुरुवारी (12 मार्च) त्याच्या कुटुंबासह डेहराडूनमध्ये पोहोचला. तिथून ते मसूरीला जाणार आहेत. लग्नासाठी पाहुण्यांचे आगमन लवकरच सुरू होणार आहे. या शाही लग्नाबाबत मसूरीमध्ये मोठा उत्साह आहे.