TRENDING:
इराण आणि इस्रायल युद्धाचा परिणाम
गेल्या 5 दिवसांपासून वेस्टइंडीजचे खेळाडू भारतात अडकून पडले आहेत. याचे मुख्य कारण म्हणजे इराण आणि इस्रायल यांच्यात सुरू असलेले युद्ध.... या युद्धजन्य परिस्थितीमुळे अनेक देशांनी आपले एअरस्पेस पूर्णपणे बंद केल्याने आंतरराष्ट्रीय विमानांना मोठ्या अडचणींचा सामना करावा लागतोय. विमान वाहतूक विस्कळीत झाल्यामुळे विंडीजच्या खेळाडूंना विमानाचे तिकीट मिळवणं कठीण झालं आहे. मिडिल-ईस्टमध्ये निर्माण झालेल्या युद्धामुळे आंतरराष्ट्रीय उड्डाणांवर मोठी मर्यादा आली असून खेळाडूंना भारतात थांबावं लागतंय.
advertisement
ख्रिस्तियानो रोनाल्डोची मदत घेणार?
वेस्ट इंडिजच्या खेळाडूंनी सोशल मीडियावर इमोशनल पोस्ट केल्या असून आता त्यांना घरी जाण्याची घाई लागली आहे. तर दुसरीकडे शिमरन हेटमायर तर रडकुंडीला आल्याचं पहायला मिळतंय. तर इतर खेळाडूंनी थेट आयसीसीकडे मागणी केली. अडकलेल्या खेळाडूंनी आता मदतीसाठी चक्क फुटबॉल स्टार ख्रिस्तियानो रोनाल्डोचे नाव घेतले आहे. वेस्टइंडीजचा खेळाडू अकील हुसैन याने आपल्या सोशल मीडिया अकाऊंटवरून एक हताश करणारी पोस्ट शेअर केली. त्याने म्हटले आहे की, अशा कठीण परिस्थितीतून मला आता फक्त रोनाल्डोच वाचवू शकतो. त्यामुळे वेस्ट इंडिजच्या खेळाडूंनी मोठं पाऊल उचलत रोनाल्डोची मदत घेणार का? असा सवाल विचारला जातोय.
विशेष चार्टर फ्लाईटची व्यवस्था
अशातच आता आयसीसीच्या अधिकाऱ्यांसोबत एक उच्च स्तरीय बैठक पार पडल्याची माहिती मिळतीये. आयसीसीच्या बैठकीत खेळाडूंच्या सुरक्षेबाबत सविस्तर चर्चा करण्यात आली. वेस्टइंडीज क्रिकेट बोर्डाने चाहत्यांना आश्वस्त केलं आहे की, खेळाडूंना परत नेण्यासाठी एका विशेष चार्टर फ्लाईटची व्यवस्था केली जात आहे. पुढील 24 तासांत ही टीम भारतातून रवाना होण्याची दाट शक्यता वर्तवण्यात आली आहे. बीसीसीआयने वेस्ट इंडिजच्या खेळाडूंच्या सुरक्षिततेसाठी विशेष तयारी केली आहे.
नियमांचं पालन करूनच पाठवलं जाणार
दरम्यान, सध्या विंडीजचे सर्व खेळाडू भारतात सुरक्षित असून त्यांच्या वास्तव्याची योग्य सोय करण्यात आलीये. बीसीसीआय़ त्यांची योग्य काळजी घेत असल्याने आता त्यांना नियमांचं पालन करूनच वेस्ट इंडिजला पाठवलं जाईल.