नोकरी गेली, पण हिंमत नाही! 'ट्रिप सेन्स'मुळे आज तो आहे फेमस 'जंगल बॉय', लोकांना दाखवतो भूताची ठिकाणं

कुटुंबाचा मिळाला आधार

लोकल 18 शी बोलताना लोकेश सिंह काला म्हणतो की, लोक आता त्याला हळूहळू ओळखू लागले आहेत याचा त्याला खूप आनंद आहे. त्याचे फॅन फॉलोविंगही वाढत आहे. इथपर्यंत पोहोचण्यासाठी त्याला अनेक अडचणींचा सामना करावा लागला आहे. आज तो ज्या स्थानावर आहे, ते केवळ त्याच्या कुटुंबाच्या पाठिंब्यामुळे आहे. काला म्हणतो की, तुमच्यात कोणतीही प्रतिभा असेल तर ती बाहेर आणा. त्याने आयुष्यात खूप संघर्ष केला आहे. दिल्लीत राहून त्याने वेगवेगळ्या क्षेत्रांमध्ये काम केलं. कोरोना सुरू झाल्यावर त्याला घरी परतावं लागलं. त्यानंतर त्याने आपलं YouTube चॅनल चालवायला सुरुवात केली.

advertisement

भूताटकीच्या ठिकाणांवर लक्ष केंद्रित

लोकेश कलाने सांगितलं की, लोकांना जे पाहायचं आहे तेच तो त्याच्या सबस्क्रायबर्सना दाखवतो. तो कॅम्पिंग आणि ट्रेकिंगचे जास्त व्हिडिओ बनवतो. तो लोकांना त्याच्या व्हिडिओंमध्ये अशी भूताटकीची ठिकाणं दाखवतो, जिथे लोक जाण्यास घाबरतात. तो तिथे जाऊन लोकांना त्या ठिकाणाबद्दल सांगतो आणि त्यांचे गैरसमज दूर करण्याचा प्रयत्न करतो. लोकेशच्या मते, आजकाल लोक आपला जास्तीत जास्त वेळ मोबाईलवर घालवत आहेत, अशा लोकांना निसर्गाजवळ जाण्याची गरज आहे. त्यामध्ये त्याचं चॅनल मदत करत आहे.

हे ही वाचा : कचरा नव्हे, सोनं! माशांच्या खवल्यांचा 'हा' व्यवसाय करून मच्छिमार होताहेत लखपती; थेट परदेशातून येते मागणी

हे ही वाचा : Success Story : 'या' पठ्ठ्याने शेतीत आजमवलं नशीब, आता वर्षाला कमवतोय 25 लाख, तरुणांसाठी बनला आदर्श!