ChatGPT कसं मदत करू शकतं?
अनेकांना चांगलं रिज्युमे बनवणं अवघड वाटतं. पण ChatGPT मुळे हा प्रोसेस झटपट आणि सोपा होतो. मग तुम्ही पहिल्या नोकरीसाठी अर्ज करत असाल किंवा करिअर बदलण्याचा विचार करत असाल तर AI टूल तुमचं CV प्रोफेशनल दिसेल असं तयार करू शकतं.
आधी काय तयारी करावी?
ChatGPT ला प्रॉम्प्ट देण्याआधी काही गोष्टी तुमच्याकडे असणं महत्वाचं आहे –
advertisement
तुमचं शिक्षण (Education)
मागील नोकरीचा अनुभव (Experience)
तुमच्याकडे असलेली कौशल्यं (Skills)
मिळालेले सर्टिफिकेट्स व अचीवमेंट्स (Certificates & Achievements)
ही माहिती जितकी डिटेलमध्ये द्याल तितकं तुमचं रिज्युमे आकर्षक बनेल.
आता समजा यात तुम्हाला लिहायचं असेल की “Handled Instagram and Facebook Campaigns” असं लिहिण्यापेक्षा “Ran Instagram and Facebook campaigns that increased followers engagement by 45% and brought in over 400 new leads in just seven months.” असं लिहिल्यास तुमचा प्रोफाईल खूप इम्प्रेसिव्ह दिसेल. त्यामुळे तुमचं रिझ्यूम सिलेक्ट होऊ शकतं.
आता यासाठी काय आणि कसं प्रॉम्प्ट द्यायचं? चला जाणून घेऊ
स्पष्ट प्रॉम्प्ट द्या – ChatGPT अॅप किंवा वेबसाइट उघडा आणि एक स्वच्छ प्रॉम्प्ट लिहा.
उदा.: “Create a professional resume for a software engineer with 3 years of experience, skilled in Programming Languages, Data Structures and Algorithms, Object-Oriented Programming and Database Management. Include a short summary, education, work experience and skills.”
लक्षात ठेवा – प्रॉम्प्ट कॉपी-पेस्ट न करता आपल्या माहितीप्रमाणे बदल करून द्या.
रिज्युमे वैयक्तिक बनवा, तयार झालेलं रिज्युमे वाचा आणि त्यात तुमच्या पर्सनॅलिटीप्रमाणे टोन अॅडजस्ट करा. ChatGPT तुमचं काम सोपं करतं, पण रिज्युमे तुमचं प्रतिनिधित्व करणं महत्वाचं आहे.
डिझाइन आणि फॉरमॅटिंगसाठी मदत घ्या. जर तुम्हाला CV स्टायलिश किंवा मॉडर्न फॉरमॅटमध्ये हवं असेल तर तेही ChatGPT करून देऊ शकतं. क्लीन, मॉडर्न किंवा आकर्षक फॉरमॅट, जसं हवं तसं.
आजच्या स्पर्धात्मक युगात फक्त चांगलं शिक्षण आणि अनुभव पुरेसं नाही. योग्य पद्धतीने सादर केलेलं रिज्युमेच तुम्हाला मुलाखतीपर्यंत घेऊन जातं. आणि यात ChatGPT सारखी AI टूल्स तुमचं काम अर्धं करून सोपं करू शकतात.